《Overwatch》入選我地 VJ gamer 十大最好玩遊戲之一認真唔惹少，雖然出咗好多新 game 都 keep 住有人玩，日本 Good Smile Company 都唔執輸，旗下黏士人系列推出 《Overwatch》大主角 – 「閃光」(Tracer) !
呢隻黏士人「閃光」造型非常忠於遊戲，無論髮型以及招牌䕶目鏡都細緻呈現。配件都非常豐富，包括兩把脈衝手槍丶大技嘅脈衝炸彈丶幾款唔同表情丶回溯技能 effect 配件及彎腳配件。
今次 Good Smile Company 特登為「閃光」設計新嘅全可動素體，就算平時短手短腳嘅黏士人活動力都大增，配上回溯技能 effect 配件就可以忠實呈現遊戲?嘅動作姿勢 !
就算「閃光」招牌 勝利動作吹起頭髮都可以完全表現，真係無得輸!
預計2017年8月發行，售價約4,537 Yen，《Overwatch》fans 千祈唔好錯過 !
btw 出呢款唔係Q 版都會好正 !
幪面超人頭號粉絲，玩具figure 無一不歡，極喜歡玩潛入式遊戲。怎吃也不胖，只因最喜歡「食字」﹗人生座右銘是「自作樂，很快樂」。