睇過咁多個版本《King Kong》嘅朋友都知，個故仔只係一隻隱世大猩猩想溝女點知比人捉黃腳雞，比人夾走之後反抗最後挾持條女上頂樓結果比人打傷最後墮樓身亡。

~完~

作為一個「食肉獸」嘅我，諗返要分三次先睇得完 05 年 Peter Jackson 套《King Kong》，聽到又有《King Kong》又要睇「人獸戀」真係聽到都怕怕。但係自從睇左 2014 年荷理活版《Godzilla》，發現依家嘅荷理活大型怪獸片有啲新花款之後，加上又知道 2020 年將會有《Godzilla vs. Kong》就開始對呢套《Kong: Skull Island (金剛：骷髏島)》有多少少留意，而且見幾條預告都唔係搞「人獸戀」係打「人獸戰」啊！

今次成個故事都係喺呢個唔屬於人類統治嘅骷髏島上發生，點解人類冇得話事？你睇下島上面有啲咩咪知囉！

KONG (金剛)

唔識死嘅探險隊一嚟到骷髏島就猛烈轟炸，作為島上最龐大最兇猛嘅守護者，當然作出「適當武力還擊」。但島上嘅人尊敬佢如神，因為「KONG」雖然係佢種族嘅僅存者，不過佢嘅存在亦令島上嘅獵食生物唔會亂嚟， 維持左島上嘅生態平衡。

身高:104 尺高
體重:158 噸
頭顱:19 尺寬
前爪:16 尺長
腳:22 尺長
大腿圍:36 尺
牙齒數量:32
獠牙:4.5 尺長

屬性:防衛者 / 守護者

SKULLCRAWLERS (爬骨獸)

巨大猛吃生物，巨型蛇蜥混合體，有兩隻怪力前臂，個頭近似得返頭蓋骨。爬骨獸潛藏於骷髏島深處，亦因殺盡「Kong」族而成為「Kong」嘅死敵。

身高:12-95 尺
體重:40-100 噸
屬性:破壞者 / 狂食性

MOTHER LONGLEGS (長腳蛛母)

完美隱身於骷髏島茂密竹林，屹立喺樹頂之上，於竹林間編織又黏又硬嘅網去捕捉獵物。

身高:18-23尺高

SPORE MANTIS (巨獵螳螂)

巨獵螳螂嘅前肢藏有肌肉系統，令佢地可以快速疾走。佢地嘅身體破損嘅表皮同脈管組織組成，而且擁有輕易咬碎骨頭嘅尖牙。

身高:最長可至50尺

PSYCHOVULTURES (毒剎秃鷲)

鳥類中最完美嘅進化體，展翼後足足有9尺長。因為捕食左骷髏島嘅有毒雞泡魚而引發出精神怪異的症狀，中毒後學物質引發出嘅狂暴性令毒剎秃鷲連自己嘅同類都唔會放過。

翼展:6-9 尺

SKER BUFFALO (岩角水牛)

岩角水牛係骷髏島上最平和友善嘅生物。佢地已進化到能夠適應水中環境，並且能夠停留喺水中幾日而不上水，背上珊瑚狀組織成為最好嘅掩護。

身長: 44 尺長
觸角: 64 尺長
體重: 22 噸

MIRE SQUID (沼澤八爪獸) 

平靜嘅骷髏島港灣隱藏住一隻魷魚八爪魚混合海怪。佢有多個好似鳥咀咁嘅口固定喺複雜嘅肌肉組織上面，令口部可以好似風扇葉咁樣轉動。喺海面覓食嘅時候，將口部不斷旋轉成為離心器形成旋渦。

身長:90尺

到最後點解今次冇左打暴龍呢個經典？其實哥斯拉同 King Kong 仲有咩淵源呢？點解可以Crossover呢？繼續留意我地嘅報導啦！