《第一屆 Zowie Fighter Hong Kong》冠軍由著名蘇聯佬玩家波蘇奪得!

係啱啱過去既星期日,即係 2月26 就舉行咗由 Zowie (BenQ 旗下電競品牌) 所舉辦既《Zowie Fighter Hong Kong 2017》Street Fighter V 比賽。參賽人數眾多,作為街霸第一人既 Humanbomb 有出席之外,KOF 既香港冠軍波仔亦有作為表演嘉賓到場示範最新格鬥遊戲「八咫鴉」,整個活動可謂非常精彩豐富!

 

 

比賽採用 Double-elimination 雙淘汰賽制 (當日賽果可以瀏覽 //challonge.com/zowiehk2017/),由中午 12點打到夜晚 7點,我地既 Twitch Channel 亦都有直播全日賽事,比賽最後冠亞季軍分別係 冠軍 Kenny (波蘇)、亞軍 Chriswong、季軍 Rex。

波蘇好野!蘇聯佬吐氣揚眉!

亞軍 Chriswong 同季軍 Rex

大會賽事評述 Devils 同 Ken Sir

 

同場仲有超任尚未正式上市新遊戲《魔界狩人》最新版本以及已經係 Steam 上架既《八咫鴉》試玩。而且今次仲有電氣良品所邀請既《八咫鴉》製作人新座恒治先生黎到香港同大家見面,新座恒治先生仲帶咗份禮物送比香港既朋友,就係全球首次發布《八咫鴉》全新角色「烏鬼」,都咪話香港唔威水!

 

《魔界狩人》比賽片段

 

《八咫鴉》我地亦都有試玩過,整體水準非常唔錯,人物表現手法類似街霸 3代點陣圖風格,但係採用高幀數表現,所以遊戲極流暢!系統方面有類似街霸 3既 Parry 系統,同時有類似 GGX 既 Air Combo,對戰節奏明快。另外據了解《虫姬》(即係果隻彈幕 Game) 既畫師亦都會擔任《八咫鴉》既畫師,唔怪得啲人設咁好 J,整體黎講《八咫鴉》絕對係格鬥界黑馬黎!

 

街霸最強 Humanbomb VS 拳王最強波仔

 

比演賽後 Humanbomb 同波仔分享遊戲感受

 

《八咫鴉》製作人新座恒治贈送紀念品

《八咫鴉》比賽片段

 


完整賽事片段重溫