任天堂今日正式推出第七部主機 Switch，周街都冇現貨，炒價持續。Switch 以創新設計概念手提機同家用機二合為一向為遊戲界帶黎新衝擊，開箱大家都睇過，咁啱我有部 Game Gear，就即刻拎黎比拼下，感受下遊戲界嘅發展!

Game Gear 係 Sega (世嘉)係 1990年推出嘅第一部彩色手提遊戲機，係當時遊戲界相當轟動，遊戲方面大多係移植 Sega 主機 Mega Drive 嘅遊戲，例如 Sonic the Hedgehog (超音鼠) ，另外仲可以加個 TV調幅器 ( 仲有條天線)，即刻由一部遊戲機變成一部迷你電視，當時可以話係劃時代嘅設計，但好可惜因為續航能力頗弱， 6 粒 AA電池只可以玩到兩個鐘左右，慢慢就比玩家淘汰。

TV調幅器

兩部主機比較

遊戲帶比較

同番啱啱出嘅 Switch 比較，體積雖然差唔多大，但厚度真係薄好多，畫面又大一倍有多，續航力都有 3 個鐘(全開狀態)，加上無縫由手提機畫面變成電視畫面呢個功能簡直無得輸，相差 27年 遊戲界嘅發展有目共睹。