相信入手咗 Nintendo Switch 既朋友都好努力地瘋狂 J《薩爾達傳說：荒野之息》(我都係)，不過其實《薩爾達》入面係可以透過其他方法得到特定既道具既，方法就係用任天堂獨有既「Amiibo」。無接觸開既朋友可能唔知咩係「Amiibo」，其實你可以當佢係實體 DLC，不過可以同朋友交換使用之餘仲可以儲存資料等等，最緊要既係其實每隻「Amiibo」做功都幾靚……認真抵玩！！
上面講到今次《薩爾達傳說：荒野之息》係需要用到「Amiibo」先有特定道具，而「Amiibo」除咗狼林克之外每隻每日只限嘟一次。刷出黎既道具有歷多主角造型之外最重要既就係可以得到成隻 Game 入面唯一隨行攻擊寵物同埋最強之馬 (エポナ，Epona)，不過部份「Amiibo」因為推出時間久遠，搵返都有啲難度，所以見到呢篇文之後好快手搶咗先啦！
因為有唔少人反映唔識用隻「Amiibo」，所以呢度順便教一次啦……
「Amiibo」使用方法
先撳 + 入 System，揀 Option
係 Amiibo 度揀返「使用」
之後入返 Game 撳上制就會見到有 Amiibo 揀
出黎啦！寶箱！！
《薩爾達傳說》Amiibo 鑊得物品
林克(騎士)《薩爾達傳說：荒野之息》發售日期 3-3-2017
林克(射箭)《薩爾達傳說：荒野之息》發售日期 3-3-2017
守護者《薩爾達傳說：荒野之息》發售日期 3-3-2017
薩爾達公主《薩爾達傳說：荒野之息》發售日期 3-3-2017
哥布林《薩爾達傳說：荒野之息》發售日期 3-3-2017
卡通林克《薩爾達傳說：風之律動》發售日期 12-2-2016
薩爾達公主《薩爾達傳說：風之律動》發售日期 12-2-2016
不過其實呢2隻係 1set 買既
林克《薩爾達傳說：時之笛》發售日期 12-2-2016
8Bit 林克《薩爾達傳說》發售日期 12-2-2016
伽農《任天堂明星大亂鬥》發售日期 9-11-2015
卡通林克《任天堂明星大亂鬥》發售日期 28-2-2015
斯克(薩爾達公主)《任天堂明星大亂鬥》發售日期 28-2-2015
薩爾達公主《任天堂明星大亂鬥》發售日期 30-11-2014
林克《任天堂明星大亂鬥》發售日期 21-11-2014
用大亂鬥版林克可以刷出最強之馬艾波娜！
其他系列「Amiibo」
係連寶箱都唔跌比你，食屎
睇到呢度係咪覺得好似少咗啲野？係阿……未講狼林克嘛，因為呢一隻「Amiibo」係比較特別所以要分開講，睇埋先啦！
狼林克《薩爾達傳說：曙光公主》發售日期 4-3-2016
狼林克同其他 Amiibo 最大既分別就係佢可以召喚狼出黎 (喂其實咪又係林克黎)，呢隻狼識得自動攻擊敵人同一般野生動物，而佢係有自己行血既，死咗就可以再召過，現階段試到大約一日可以召5-6次。不過如果你係無玩過《薩爾達傳說：曙光公主》既話咁呢隻狼只會有 3格心，而且攻防都屬於得啖笑系列。要加大佢既能力值就要同《薩爾達傳說：曙光公主》連動，咁佢就會跟返《曙光公主》入面隻狼林克既能力值架啦，不過我諗都無乜人有 WiiU……所以睇個勢一係靠朋友一係等佢出係 Switch啦……
回帶相關文章：
【齊齊做富翁】《薩爾達傳說：荒野之息》前期一分鐘激賺一千盧比
VJGamer總編，細細個已經蒲機舖，機齡甚深，熱愛電玩文化。