《 Logan 》(盧根) 上映一周，大獲好評，好多人都話係最好睇嘅一齣狼人電影，電影內容呢度唔多講，今次想同大家介紹下另一個都係講狼人 Logan 老年時期嘅漫畫作品 – 《 Wolverine: Old Man Logan 》。
《 Wolverine: Old Man Logan 》係由著名編劇 Mark Millar 創作，Mark Millar 先前嘅漫畫作品都非常出名，包括《 Kick-Ass 》丶《 Civil War》以及《 Wanted》等，以上幾套都被改編成電影，而《 Wolverine: Old Man Logan 》屬於 Wolverine 正史故仔當中，世界編號為 Earth-90210。

悲劇發生
呢個時空入面，Red skull 聚集全世界嘅反派進攻世界各地。由 Professor X 領導，培育年青變種人嘅學校 X-Mansion 收到 Avengers 丶 Fantastic Four 等英雄組織嘅求救訊號，可惜 Professor X 聯絡唔到呢班英雄亦唔知發生咩事，係呢個時候，X-Mansion 受到四十幾個反派襲擊，當時 Wolverine 揾唔到其他 X-men 幫手，佢為咗保護其他學生，獨力奮戰，最後將敵人全部殺死，好可惜呢個正正係呢班反派嘅詭計，其實 Wolverine 一開始就中咗 Mysterio (Spider-Man奸角) 嘅幻術，就算 Wolverine 有強勁嘅嗅覺都察覺唔到，佢眼中所見嘅敵人其實係其他 X-men，X-men 成 team人就死咗係 Wolverine 嘅爪下丶Wolverine 悲痛欲絕，發誓以後唔再出爪，自我放逐。

Wolverine 中咗 Mysterio (Spider-Man奸角) 嘅幻術錯手殺死全部 X-Men 成員

英雄隕落
Red skull 等反派唔單只殺死哂各地英雄 (幾乎)，包括 Captain America 丶Iron Man 以及 Spider-Man等，仲統治埋美國，順手改埋名做 Amerika ，而白宮亦都成為咗 Red Skull 嘅總部。係呢個總部入面有間戰利品室，放滿哂各死去英雄嘅裝備，包括 Captain America 嘅盾及 Iron Man嘅 Extremis 裝甲，自己仲著起死對頭 Captain America 嘅服裝以紀念反派嘅勝利。

白宮成為咗 Red Skull 嘅總部，入面有間戰利品室，放滿哂各死去英雄嘅裝備

狂人掘起
可以變做 Hulk 嘅 Pappy Banner 由於受到全球反派襲擊而引發嘅原子彈爆發事件影響，吸收過多輻射，導致腦部受損，心理出現重大問題而變成變態殺人狂，仲變態到揾自己個表妹 – She-Hulk 做生仔機器，生咗好多天生暴戾嘅 Hulk 子孫，期後組成 The Hulk Gang 周圍收陀地及濫殺無辜。

吸收過多輻射變成變態殺人狂嘅 Pappy Banner

The Hulk Gang

我的名字不是 Wolverine ，我叫 Logan
五十年後，Wolverine 自我治療能力已經大幅退化，因為自己嘅過錯放棄外號，叫番自己做 Logan，同佢老婆 Maureen 以及一對仔女經營農埸，一面過住平淡嘅生活，一面賺錢應付收陀地嘅 The Hulk Gang，生存目的只有家人，之後仲為咗保護家人同交陀地，應承大戰死剩種 Hawkeye 幫佢運貨去新巴比倫，點知慘劇接二連三發生。

Logan一家

年老嘅Hawkeye

復仇
原來 Logan 受 Hawkeye 委託嘅貨物竟然係超級士兵血清，而 Hawkeye 亦係被 Red Skull 嘅手下 Tobias 設局，假借復興 Avengers 為籍口而運送超級士兵血清，實情係揾機會消滅死剩種，最後 Logan 同 Hawkeye 被打敗，Tobias 為向 Red Skull 證明自己嘅功積，將兩人嘅屍體拎番白宮，雖然 Logan 自我治療能力已經大幅退化，但並不代表無能力，最後關頭回復部分傷勢，起身同 Red Skull  決一死戰，戰鬥中堅持唔用爪，最後諷刺地用 Captain America 嘅盾劈斷 Red Sull 個頭取得勝利，之後要趕係交陀地期限返去農場救屋企人，就著 Iron Man 件甲飛番去，啓動裝甲途中亦錯手開砲殺死 Tobias 。

Red Skull 嘅手下 Tobias

Hawkeye被殺

Tobias 為向 Red Skull 證明自己嘅功積，將兩人嘅屍體拎番白宮

Logan 回復部分傷勢，起身同 Red Skull  決一死戰

諷刺地用 Captain America 嘅盾劈斷 Red Sull 個頭取得勝利

Logan 著 Iron Man 件甲逃離白宮

回歸 Wolverine
Logan 著住 Iron Man 件甲飛番農場途中，裝甲嘅能量已經所剩無幾，最後都冇動力再飛，Logan 唯有徒步行番去，雖然佢己經係交陀地期限前返到，但好可惜 The Hulk Gang 都係變態冇人性，覺得無聊就將 Logan 一家殺死，變相將 Logan 唯一嘅生存目的粉碎，呢個時候 Logan 已經極之憤怒，再唔理先前自己定立嘅規條 – 唔出爪，五十年後再次伸出爪，Logan 再次成為 Wolverine，同 Hulk 決一死戰，老年嘅 Logan 能力大不如前，最後被 Hulk 捉住吞落肚，但千算萬算都估唔到， Logan 仲有能力自我復原，於是佢用最後嘅力氣爆開個肚殺死 Hulk 。

呢一幕係咪同電影好似呢~

Pappy Banner 變成 Hulk 同 Logan 決一死戰

最後被 Hulk 捉住吞落肚

最後 Logan 爆肚殺死 Hulk

結局
Logan 將其餘嘅 The Hulk Gang 殺死，並且帶走一個仲係 BB 仔嘅 Pappy Banner 子孫，Logan 決定組織新嘅英雄隊伍，救助世界各地，而呢位 BB 仔就成為呢個新英雄團隊第一個成員，Logan 正式展開新嘅英雄生涯。