一直以黎被喻為機械人對戰既經典《Virtual On 電腦戰機》由 1995年面世之後大受歡迎，到咗 2003年出咗《Virtual-On Marz》之後就無再出過新作啦，就算早幾年出既都係移植版黎，不過係早 2日電擊文庫舉辦既活動裡面就正式發表咗係 2018年將會推出全新既《Virtual On 電腦戰機》遊戲，而且仲會同《魔法禁書目錄》合作，所以全名就會叫做《魔法禁書目錄 x 電腦戰機 (とある魔術の禁書目録×電脳戦機バーチャロン とある魔術の電脳戦機)》，登錄平台為 PS4 / PS Vita！

事源就係舊年《魔法禁書目錄》推出咗一本合作小說《魔法電腦戰機》，然後就促成咗呢件事。咁 Game 就由返 乜力 (SEGA) 開發，故事就係由禁書作者「鎌池和馬」負責，機設方面就由返電腦戰機既機設「角木肇」負責機設同有關既插畫。

今次隻 Game 最值得期待既一點就係重新返到去《Virtual-On Oratorio Tangram》一對一高速戰鬥模式，並唔係 Marz 同 Force 果種龜速二對二，不過就唔知會唔會出返果支「孖 Stick」啦。遊戲暫定於 2018年上市，對應平台 PS4 / PS Vita！

復刻版果陣 XB 既專用「孖Stick」

當年既機設，極有個性