琴日係泡菜國舉辦既「I<3 StarCraft」活動入面，Blizzard Entertainment 總裁以及創辦人 Mike Morhaime 為大家帶黎一個好消息，就係 1998年推出既《StarCraft》將會以 4K高清重製既面貌係今年夏季正式登場，並且同時送上最新既宣傳短片比大家睇，立即去片！

《StarCraft》係 1998年推出果陣已經獲得最暢銷電腦遊戲既殊榮，而且第一年已經賣咗 150萬套，係之後既十年仲累積賣出咗950萬套，直到而家依然係全世界最暢銷既線上遊戲之一。而且一隻接近 20年前既遊戲依然有舉行緊大型比賽 (最近隻 Game仲會有 1.18版本更新添)，都咪話唔勁！

新舊版遊戲畫面對比

今次 Blizzard Entertainment 終於踏出咗高清重製既第一步，相信之後呼聲最高既就係 Blizzard 另一隻傳奇勁 Game「Diablo II」，淨係諗都 J到出血阿……。新既《StarCraft Remastered》將會支援 4K 解像、改善遊戲語音、加入暴雪好友以及配對系統、以全新角度刻畫過場動畫等等，遊戲預定於今年夏季推出。