【毒物快訊】從電話開始的異世界-5 月戴住 VR 瞓雷姆大腿吧!

VR 果然係滅絕人類嘅產物!先有 Sony《Summer Lesson》為大家送上擬真女朋友,但係,唔鍾意真人化咁點啊?了解到部份毒友「一心只向二次元」嘅熱愛,日本 Gugenka 公司同大熱動畫《Re : 從零開始的異世界》合作,予定於 5 月 26 日推出手機(iOS / Andoroid)用 VR 遊戲 App《Re : ゼロVRで異世界生活》,第一彈可以享用嘅角色係雷姆!遊戲分為「膝枕編」(睡大腿)及「添寝編」(陪你入睡),兩篇各為 960円。

 

有睇過《Re》動畫嘅朋友都一定知道「膝枕」絕對係雷姆嘅名場面!咁除此之外,個人認為遊戲仲有兩大賣點:(1)遊戲每章回各設三個場景,全語音新規新錄,配合 VR 裝置,玩家唔止可以 360 度欣賞等身大嘅雷姆,仲可以聽住聲優水瀬いのり嘅美聲治癒心靈!(2)遊戲所謂自己的異世界自己闖,動畫主角行埋一邊啦!黎到遊戲入面,雷姆會以你名字的首發音字母黎叫你架!例如總編大人「森麻」日文拼音「さんま」,雷姆就會暱稱佢為「さーくん」!

 

配合公司自己開發嘅「ThumbCon(さむコン)」可以加倍享受遊戲(蹲低睇腳!)

 

認真,「將角色帶進生活同你互動」呢個諗法同技術真係不得了,不過目前相關遊戲發展都偏向主打男性市場,有啲可惜!其實「添寝」或者其他場景 Play 嘅 Drama 系 CD 喺乙女界盛行咗好多年,成班宅女淨係聽聲優把聲都可以 J 成晚啊!如果呢個技術遲啲攻埋女性向市場就不得了,要知道宅腐女喺二次元嘅消費力都係好強架,到時毒撚 VR 睇女角,宅女 VR 攬男角,唔會再有識唔到女朋友或者結唔到婚嘅問題,真係諗吓都覺得人生滿希望,小花處處開(笑)所以,如果有關於 VR 虛擬角色嘅新作品推出,我一定會再介始比大家!

 

推出日期:2017.05.26 予定

必須配備:iOS9.0以上 / Android 4.4以上

推薦機種:iPhone7 / iPhone7 Plus / iPhone6s / iPhone6s Plus / iPhone6 / iPhone6 Plus / Pixel / GalaxyS6 / Nexus6P / Xperia Z5

註:要是機種為:Phone5 / iPhone5S / iPhone5c / Nexus5 / Nexus5X / Xperia Z4 / Galaxy J / GalaxyNote3 / F-05F / F-04G / SH-MO2 使用 VR 模式有機會出現畫面起格或者 lag 機喔!

 

官方網頁傳送門

ThumbCon購買傳送門

 

神婆

遊戲雜食向,FPS 苦手,全種類 RPG 專攻,重度聲優控。使用機種:Xbox Series X|PS5|Nintendo Switch|Steam Deck。

追蹤

Facebook 更多文章