隔咗6年，終於推出新一集既《全民高爾夫》，不過奇怪在今次唔係叫《全民高爾夫 7》而係叫《New みんなのGOLF (新•全民高爾夫)》，SIEJA 亦都宣布咗發售日期會係今年 8月31號 (暑假最尾果日先出……)，暫時淨係得 PS4 版本，遊戲語言就會有日、英同埋繁體中文。

今集《新•全民高爾夫》可以自己整人，透過唔同既方式提升能力，例如全力揮擊木桿令到個波飛得遠啲既話力量就會提升，正確將球打入洞就會提升控制力等等。另外今次加入咗打波以外既元素，可以釣魚之外仲有得揸高爾夫球車甚至跳傘都有得你玩添！

今時今日網絡對戰既「挑戰模式」就梗係有啦，同時亦都會有新既協力 Mode，仲有好 Old School，4個 人輪流用一個制玩既 Mode，唔知道有無得 Online 同人劈高爾夫球車呢。
《新•全民高爾夫》分別會有普通版、DL 普通版同包 Season Pass 既球場合集版，內含 20 週年紀念球場 (2個)、追加球場 Season Pass (3個)、稀有卡片同特別服裝「貓貓裝」，只於預購特典就係20 週年紀念球場同特別服裝「兔兔裝」，遊戲會於今年 8月31號上市，暫時只有 PS4 版本。