《Guardians of the Galaxy Vol.2》《銀河守護隊2》月尾就有得睇,開拍電影嘅時候都有傳動作巨星史泰龍會參演其中,更講到係飾演 Star Lord 老豆 Ego,當然睇到 trailer 都知 Ego 係由另一位老牌演員 Kurt Russell 飾演,咁史泰龍又會飾演咩角色呢?
![](http://gamer.vjmedia.com.hk/wp-content/uploads/2017/04/4-3.jpg)
老牌演員 Kurt Russell 飾演 Star Lord 老豆 Ego
![](http://gamer.vjmedia.com.hk/wp-content/uploads/2017/04/1-4.jpg)
史泰龍舊年3月被影到拎住疑似《Guardians of the Galaxy Vol.2》劇本
外國傳媒終於揭開呢個謎,前日得到官方資料確定,史泰龍將會飾演 Stakar Ogord,又名 Starhawk,Stakar 擁有長生不死嘅能力,但要不斷經歷由嬰兒到成人嘅輪迴。Stakar亦係漫畫版初代 Guardians of the Galaxy 嘅成員,亦係促成結立組織嘅重要人物。
![](http://gamer.vjmedia.com.hk/wp-content/uploads/2017/04/7-3.jpg)
Stakar Ogord 漫畫造型
![](http://gamer.vjmedia.com.hk/wp-content/uploads/2017/04/8-3.jpg)
初代 Guardians of the Galaxy
講到漫畫版初代 Guardians of the Galaxy,其實上集出現嘅 Yondu 亦都係初代 Guardians of the Galaxy 成員,去到電影設定已經唔同,所以 Stakar 係今集出現嘅設定亦有唔同,官方資料只係透露電影版 Yondu 同 Stakar 都係 Ravager 成員,20 年前 Yondu 因為犯錯就比 Stakar 驅逐,導演 James Gunn 亦表示 Stakar 係一個非常重要嘅角色,亦牽涉 Guardians of the Galaxy 嘅誕生。
![](http://gamer.vjmedia.com.hk/wp-content/uploads/2017/04/10-3.jpg)
Yondu 電影造型 (左) 及漫畫造型 (右)
史泰龍嘅造型係點真係要等到上映果陣先知,而且有外國傳媒睇過試映竟表示《Guardians of the Galaxy Vol.2》係 Marvel 目前最精彩嘅一部作品,美漫迷值得期待 !