【玩咁大?】Nier 2B、桐生一馬突入《鐵拳 7》!?

上星期我地去試完《鐵拳 7》,有唔少朋友睇完都讚話過癮有興趣買咁話,黎緊又有個消息加強大家買既意慾啦!因為除咗桐生一馬之外,Nier:Automata 既 2B 亦都有機會突入《鐵拳 7》成為可選用角色!

兩個大佬試玩豪鬼,森麻繼續表演壓倒性格鬥術。阿九表示唔再玩鐵拳┻━┻︵╰(‵□′)╯︵┻━┻鐵拳7 6月1日正式發售

Posted by VJGamer 遊戲殿 on 2017年4月21日

 

話說仲有 2個月左右《鐵拳 7》就推出,考慮到之前加入豪鬼呢個舉動令到大量玩家正皮既關係,制作人原田勝弘就係自己 Twitter 叫大家講下想加咩角色落去《鐵拳 7》度。咁因為桐生一馬之前已經夠票,所以佢本人亦都呼籲大家唔洗再投票比佢,不如試下投比其他後生仔咁。

 

由於出左《Nier:Automata》之後有玩家反映話好想用 Sexy 2B 打鐵拳,咁阿 Producer 本人又覺得佢嘅招式好特別,所以就將佢新增入候選 List。當然其他角色例如《餓狼傳說》既傑斯、《Devil may Cry》但丁、《街霸》春麗等等角色都有唔少支持者,所以 2B 個位都未係坐得好穩。

 

 

如果2B順利入圍既話,將會係2017年冬季正式加入,而桐生一馬就要等到 2018年啦,2位角色都會以Guset身份參戰(即係無佢地既故事阿)。《鐵拳 7》PS4、Xbox One 版本會於6月1日上市,Steam版就遲一日6月2號上市。


原田勝弘 Twitter 投票傳送門

森麻

VJGamer總編,細細個已經蒲機舖,機齡甚深,熱愛電玩文化。

追蹤

Facebook 更多文章