[開箱] 1/12 著衫 figure Mezco Punisher Deluxe Edition


近年靠 1/12 著衫 figure 彈起嘅 Mezco toys 認真唔可以睇少,特別係香港呢個土地問題嚴重嘅地方,要收藏 1/6 嘅著衫 figure 已經相當困難,再加上價錢唔平,好多人都會卻步。適逢 Mezco Toys 嘅 ONE12 系列就解決哂以上問題,每隻 figure 大約 6吋高,服裝採用布料或仿皮,30個以上關節,細緻嘅頭雕,價錢大概 $500-$700 不等。今次揾黎網友 Digger318 幫手,為呢隻 Punisher Deluxe Edition 開箱 !

普通版


由於係 Deluxe Edition 關係,以鐵盒包裝,當然比普通版貴些少



話明 Deluxe Edition 當然多d配件,一貫 Mezco ONE12 系列,會附送專用 stage 同放配件用嘅密實袋


漫畫中 Punisher 擁有大量軍火,呢隻 figure 都唔例外,唔少得火箭炮丶榴彈炮丶狙擊槍丶散彈槍等,裝備亦有軍刀丶夜視鏡等


每把槍製作都非常仔細,彈匣可以自由裝嵌,特別係榴彈炮,每粒榴彈都可以拆出黎,而且仲附送發射子彈 effect ,但狙擊槍嘅支架較幼,容易玩斷



裝備袋製作都認真,拉錬真係可以打開



Punisher 代表性骷髏頭符號當然唔少得,除咗 figure 本身嘅骷髏頭衫,仲附送紅色骷髏頭戰術背心,裝著亦非常方便



長皮褸亦係 Punisher icon之一,隨 figure 附送嘅長皮褸採用仿皮製作,而皮褸內製作亦唔馬虎


呢隻 figure 總共有 3個頭雕,包括正常丶憤怒及戰損,上色及神情都非常之好,由於取自漫畫版本,逼真情度當然冇咁高,但非常忠於原著


活動能力都好高,有30個以上關節,腳部更有貼地關節,方便擺唔同 pose,有幾好玩當然係做下情境啦,去相!

最後同其他牌子 figure 比較大小

呢盒 Mezco ONE12 Punisher Deluxe Edition 價錢比普通 one12系列貴$200-$300 ,大約 $1xxx,但性價比相當高,鐵盒包裝,配件眾多,多款武器有排玩,仲可以替換戰術背心,頭雕表情亦入型入格,唯一不足係槍枝太幼容易玩爛,腰部裝備帶容易移高,但整體黎講都值得收藏。

Digger318 開箱片(英語限定)

艾力

幪面超人頭號粉絲,玩具figure 無一不歡,極喜歡玩潛入式遊戲。怎吃也不胖,只因最喜歡「食字」﹗人生座右銘是「自作樂,很快樂」。

追蹤

更多文章