大家有玩過蜘蛛俠既遊戲就知道大部份都係屎黎，咁上年公布由 Insomniac Games 製作既新版《Spider-Man》係 Trailer 入面就淨係見到佢跑跑跳跳咁樣，動作流暢畫面精細之外就睇唔出有幾特別，都估佢係屎 Again。之但係大家睇完 E3 2017 呢條片之後我諗會改觀，老實講你話佢係 2018年度 PlayStation 4 十大最期待作品都絕對當之無愧！！

影片所見係大樓之間用蜘蛛絲 Fing 黎 Fing 去呢啲必有既野就唔多講啦，反而見佢有得跑牆 (唔記得邊代有試過)，不過係 Fing 緊果陣就唔多覺眼有得加速，呢點就有啲美中不足啦。

至於攻入敵方陣地呢方面就極有《Batman: Arkham Asylum》既影子，可以見到頭段係以潛入既方式接近，利用唔同既場景去擊倒敵人。同時亦都可以自己設置陷阱，相信隨住升級就會解鎖更多技能。

可以設置陷阱引人中伏

戰鬥部份亦都同 Batman 好類似，敵人變成紅色既時候就代表佢即將發動攻擊，成功避開就會發動 Bullet Time。攻擊手段除咗拳腳交之外仲可以利用場景陷阱黎攻擊，就片段所見流暢度同打擊感十足！

金霸王 KINGPIN 睇個勢只不過係勁少少既敵人 Only

Mr.Negative，睇個勢係其中一隻 Boss

片尾呢個黑人好大機會係 Miles Morales (Ultimate Spider-Man)，隨時有機會用佢

對眼會縮細，同黎緊上映既《Spider-Man: Homecoming》設定一樣

遊戲屬於 PlayStation 4 獨佔，預計 2018年正式上市！