之前係 E3 上面發布咗備受玩家關注《Marvel vs. Capcom：Infinite》既最新片段，睇過條片既玩家都非常之讚嘆 Capcom 既勇氣同遠見，竟然夠膽將自家品牌既標誌性人物春麗做得咁劃時代，大廠就真係大廠！據聞本地有唔少 Coser 知道春麗變成咁樣都非常之高興，話晒門檻低咗咁多丫嘛！

圓碌碌幾 Cute

不過外國好多玩家就唔識貨，唔單止做咗啲對比舊作既圖片，仲對新模組冷嘲熱諷。身為遊戲製作人既 Michael Evans 就唯有向外媒 GameSpot 話佢都覺得春麗個樣好衰，並且話同小野義德商討過要執執個樣，結論就當然係會整過啦。

外國玩家做既對比圖，右邊為 MVCI 模組

幾可愛！

但丁都係其中一個比人批評得 好勁既角色

《Marvel vs. Capcom：Infinite》預定 9月21日正式係 PS4、Xbox One 同  PC 發售，同步會推出埋繁中版本。距離出 Game 得返2個零月，希望就唔好因為要執樣搞到延期啦……計我話就唔洗搞啦，不知幾多人覺呢個樣好性感好正阿！