日本果然係一個鼓勵環保嘅國家啊，一到夏天就特別多靈異特輯幫大家消暑！

今次要介紹嘅係 PlayStation®VR専用嘅映像 App：ほん怖プレゼンツ 乃木坂46 VRホラーハウス（ほん怖 Presents 乃木坂46 VR Horror House）；呢個 App 嘅賣點係：睇住乃木坂46 五位成員行鬼屋時嚇到驚驚嘅畫面 LOL

有留意開日本偶像嘅朋友一定有聽過 乃木坂46，作為 AKB48 嘅官方對手團，近年人氣急升程度其實已經紅過 AKB……呃……雖然 AKB嘅沒落的確仲有好多原因嘅……orz

不過呢度就唔探討太多啦，有份出演作品嘅乃木坂成員為以下五位：

生駒里奈、齋藤飛鳥、桜井玲香、高山一実、西野七瀬（圖片按次序排列）

P.S. 無白石麻衣 T_T

呢個 App 其實係日本富士電視台節目《ほんとにあった怖い話》嘅夏日特集之一！

節目安排五位成員進入廢棄醫院入面探險，而玩家使用 PS VR 嘅話，就可以同佢地一齊臨場體驗醫院入面嘅恐怖。

呢間醫院係咩來頭呢？官方就無公佈醫院地址，但就透露呢間醫院廢棄之前，曾經有個長髮女人喺房入面上吊身亡。

你問我邊間房？咪就係而家大家身處呢一間！LOL

跟住佢地行鬼屋恐唔恐怖，我就唔評論啦（喂）

不過當係商業小品或者 Fans Service 黎娛樂吓嘅似乎又無咩所謂吖！

大家如果有日版 PSN 又有 VR 嘅，不妨留意下（笑）

【貨品名字】ほん怖プレゼンツ『乃木坂46 VRホラーハウス』

【售價】864円（税入）

【機種】PS4＋PS VR