相信大家對「ニコニコ動画」一定唔會陌生！

作為日本最大嘅視訊網站，ニコニコ唔單止帶動咗動畫 MAD 以及同人創作嘅風潮，仲影響咗近十年日本音樂嘅發展，例如幫助推廣 初音ミク（Vocaloid V家）音樂系列令其大受歡迎，仲因此捧紅咗唔少唱 V 家音樂 Cover 嘅網路歌手（通常會統稱為ニコニコ歌手）例如 Valshe、√５等等。

Valshe 翻唱 T.M.Revolution 名曲「THUNDERBIRD」

√5 為動畫《聖闘士星矢Ω》主唱 OP「新星Ω神話」

好消息就係呢度啦！

ニコニコ官方剛剛宣佈，網站將會喺 2017.07.13 開始，免費提供軟體供 Switch 用家下載；換句話講，ニコニコ將會係首個登錄 Switch 嘅視訊平台。

ニコニコ最特別嘅地方就係「彈幕」w

輸入關鍵字可以輕鬆搵到相關影片

軟體同時對應 Switch 嘅 TV Mode 功能，所以你……有電腦唔想用嘅話，絕對可以插 Dock 睇片嘅 LOL

軟體會有齊網頁版有嘅睇片功能

實際應用情況應該係咁（笑）

登記成為 ニコニコ會員係免費的，成為免費會員可以睇到網站上大部份影片以及使用留言功能（你死都唔登記嘅都有嘢睇嘅 LOL）；不過隨住版權問題越黎越嚴重（鄰國幾鍾意偷同抄嘢，相信唔需要我多講），網站上部份動畫，例如係聲優歌手活動生放送直播之類片源，就要付費嘅 Premium 會員先可以觀看了。

Premium 會員每月月費係 540 yen，用 Paypal 就可以直接比錢，超方便～

有興趣了解更多嘅朋友可以【按這裡去Niconico網站】

聽日記得下載啦，反正免費嘅，入手咗先囉！

最後比大家睇吓實際應用短片：