根據非正式統計，係香港每3位 Switch 機主就會有1位有《Ultra Street Fighter II》呢隻 Game (至於係真心買定係附帶條件就唔知啦……)。作為開發商既 Capcom 係最新既財務報告上面就話 USF2「創做咗非常好既開始以及證明咗係強力既一擊」，所以未來決定係會繼 USF2 之後放多幾款遊戲並且更加著重 Switch 呢個平台。

華爾街日報既 Takashi Mochizuki 係 Twitter 上面話《Ultra Street Fighter II》係 Q1 已經賣出咗 450,000 套，以一隻舊作翻炒黎講呢個數字的確係非常利害，亦都超出咗 Capcom既預期。

由於 USF2 既成功令到官方睇到 Switch 機主對冷飯既渴求度，所以 Capcom 亦都宣布咗會開始著手係 Switch 上面推出更多既作品，根據估計炒緊既冷飯《Rockman》系列成數甚高，另外《Biohazard》系列亦都係冷飯常客，當然大家好想要既《Power Stone》呢啲真係會賣到既亦都有機。睇個勢仲未成為機主既朋友黎緊買機應該會有更多既「骨」可以選擇，都幾幸福。