大家玩完《Overcooked》未呢？即係咁，由 PC 年代嘅《夢幻西餐廳》去到後黎 NDS 嘅《Cooking Mama》，唔知點解，煮食 / 餐廳經營類嘅遊戲總係百玩不厭，果然係民以食為天啊 (ﾟ∀ﾟ)（誤）

今日再同大家介紹一個越玩越上癮嘅煮食型遊戲《めしクエ（Meshi Quest）》（めし 即係 Meal 咁解），呢個遊戲仲要係 Square Enix 開發架，所以畫面質素同埋難度都一定有保證！

初始遊戲已有過 200 種食譜可以玩

遊戲原理相當簡單，客人落 Order 食物，你就按次序為佢烹調

你等級越高餐廳就會跟住 Upgrade；食材亦會增加提升難度

呢個遊戲嘅目的，其實係想比玩家認識唔同地方嘅料理，就算係日本菜，都有分成壽司、關東煮同埋拉麵咁樣；其餘當然仲有中華料理、美式漢堡之類嘅餐點可以玩啦！

睇完好想食壽司

關東煮

美式快餐店

拉麵

既然提到遊戲有咁多種料理可以玩，即係話玩家可以經營嘅餐廳都唔止一間；唔同國家料理嘅餐廳都有佢嘅裝橫特色，等級越高，餐廳就會變得越豪華。

大家唔需要擔心個遊戲好快玩完呀！《めし》之所以有咁多料理嘅 Idea，係因為呢個遊戲其實係同日本嘅 Openrice「食べログ（Tabelog）」合作開發的，因此每個月遊戲都會出新食譜同新活動推出～

活動期間遊戲畫面會重現店家嘅實際舖面

遊戲固然可以毒自玩，亦可以同其他玩家鬥 Ranking

遊戲每隔一排就會同日本國內嘅餐廳合作，好似呢兩個月就係 M 記啦！只要玩家拎住個 App 去日本唔同嘅 M 記打卡，喺遊戲入面就可以解鎖新食譜同關卡……不過，只限日本呀，香港嘅玩家惟有等下次機會了 (´ﾟдﾟ`)

【遊戲名字】めしクエ

【課金】基本遊玩免費；部份道具需要課金

【下載傳送門】iPhone（日版iTunes）/ Android

「港版用戶 search「Meshi Quest」就會搵到架啦！