【ポッ拳】POKKEN 先行體驗版已經免費上架!專用手制上市準備☆

好多朋友等咗好耐嘅寵物小精靈死鬥(誤)《ポッ拳 POKKÉN TOURNAMENT DX》而家推出咗免費先行體驗版啦!對於苦惱緊買唔買 Game 好、以前又無試過 Wii-u 版遊戲嘅你,不妨趁機會 DL 試玩吓!

遊戲宣傳圖

首先話比大家知點樣 DL,因為體驗版個位都擺得幾老套架!第一步係進入日版 Nintendo e-store,揀「もうすぐ発売」一欄,右手邊會見到予定 2017.09.22 發售嘅「ポッ拳」

放心撳入去,就會見到右手邊價錢下面有得 DL 體驗版了~

 

體驗版可以試用嘅角色,包括「比卡超」「噴火龍」「帝王拿波」三款戰鬥小精靈;而戰場上可使用嘅 Support 系小精靈,就有「藤藤蛇&背背龍」以及「雷希拉姆&克雷色利亞」兩組。(如果譯名有錯請指正 orz)

 

體驗版分為「Single Play」以及「Local Play」模式,不過每個體驗版嘅遊玩次數限制為 15 次(兩個模式合算);如果玩哂 15 次想繼續玩,就要 Delete Game 再重新下載了;之前得到的分數和資料當然都不能過繼!以下比啲截圖大家參考:

 

不過,都係試玩版啫,真係啱玩嘅話,大家記得快啲去訂 Game 啦!

【遊戲名字】ポッ拳 POKKÉN TOURNAMENT DX
【正式發售】2017.09.22

 

另一方面,如果已經鐵定會玩《ポッ拳》嘅朋友,呢度仲有一個好消息,就係 HORI 早前宣佈推出遊戲專用手制,會同《ポッ拳》同日上市!用 Switch 手制玩有時可能唔係太好控制,如果係實力主義至上嘅朋友,不妨訂埋個制吖!

【名字】「ポッ拳 DX」専用コントローラー for Nintendo Switch
【定價】3,758円(税込)
【發售】2017.09.22

 

神婆

遊戲雜食向,FPS 苦手,全種類 RPG 專攻,重度聲優控。使用機種:Xbox Series X|PS5|Nintendo Switch|Steam Deck。

追蹤

Facebook 更多文章