【意外流出】《人中之龍》新動向漏風聲!將會推出 2 代重製版《極2》?

早前咪同大家講過,聽日 8月26日《人中之龍》會舉行新作發表會

嗱,唔知有心定無意喇,尋晚台灣區 PS Store 居然無啦啦有隻新《人龍》 Game 上架預約,仲比網友 Cap 哂圖添!

 

 

新作原來係《人中之龍 2》嘅重製?雖然唔係全新作品會有少少失望,不過《人龍 2》當年推出時的確係一隻精采嘅作品;加上「人龍 Studio」嘅重製一向誠意十足,無論係畫質定係動作流暢度都會做到新 Game 一樣咁 Smooth(大家睇吓《極》就知)。

 

而重點係咩?重點係《極2》入面,真島 bb 嘅劇情多咗不特止,仲可以成為操控角色添!未見到呢個消意之前,我原本以為新作終於係「真島傳」架……不過而家《極2》有得用佢,都算收貨啦(笑)

 

雖然以上消息係流出嘅,不過上得 PS Store 應該都無乜甩漏,同埋我點解梗係覺得件事係特登(喂)點都好啦,《人龍》聽日先開記者會,到底除咗《極2》之外仲會唔會有其他新消息呢?

 

咁你就要繼續留意住 VJG 啦 w!

 

神婆

為咗兩隻貓嘅生活努力奮鬥,日系遊戲及 RPG 專攻,重度聲優控。

追蹤

Facebook 更多文章