相信好多人都瘋狂咁玩緊《Destiny 2》，咁升 Light 最快既方式打 or 菠蘿雞 Public Event 一定列係首位。但係有無發現有時打打下 Public Event 會變咗做打 Heroic Event (英雄事件) 呢，即係例如打 Walker (蜘蛛坦克) 要打 2隻咁，其實只要滿足條件就會升級成 Heroic Event，而升級咗之後基本獎勵會係一個章兩件藍裝，而且會有更高既機率跌紫同金裝添，立即學點升級啦！

卡巴爾挖掘  (開啟難度 ★☆☆☆☆)
打到咁上下會有架紅色既飛船接近，打爆佢就得 (即使第一輪打唔爆過一陣佢會再返轉頭)

打爆呢架飛船就得

英雄事件係打雞巴中將

微光幣開採 (開啟難度 ★★☆☆☆)
每一波空降士兵出黎之後大約 10-20秒後會出現一部小型挖礦機，三波都打爆部小挖礦機之後就會變成 Heroic Event，需要企係圈內收住微光幣直到 100%

打爆呢部機就得，總共要爆三次

毀滅 Walker 蜘蛛坦克  (開啟難度 ★★☆☆☆)
每打爆一隻腳就會跌光球出黎，將光球放合去保護罩2邊既開關就會 Unlock 個罩，全部 6個罩 Unlock 晒就會空降第2架坦克並進入 Heroic Event

解鎖藍色果啲保護罩

每個罩要放2粒

土衛六女巫的儀式  (開啟難度 ★★★☆☆)
Event 開始時地下會有 2個魔法陣，佔領魔法陣後就可以殺死巫師，然後傳送門左上同右上都會出現各一粒水晶，全部打爆就會進入 Heroic Event

大眼仔  (開啟難度 ★★★★☆)
Event 進行中當大眼球血量到一半時會召喚三隻小眼球怪，要係大眼球召回果三隻小眼球怪之前全部殺晒，之後大眼球怪會狂暴化並進入 Heroic Event

中斷 VEX 建設  (開啟難度 ★★★★☆)
開始時中間會有座光塔，而呢座塔會有三條好淺既線連去三個地方，沿住條線行就會發現有個要佔領既圈圈，總數佔晒三個圈就進入 Heroic Event (主要難度在於人數不足時好難佔晒三個圈)

滲透機具  (開啟難度 ★★★★★)
基本上只要將紅色座塔上、中、下層散熱口打爆晒就會進入 Heroic Event，但係由於都幾困難下所以會講詳細少少

正常時間散熱口都係處於關閉狀態，只有一開始降落黎同埋打完每波小王之後先會打開，而散熱口打開既順序係固定，必定係上、中、下順序，一層只要打爆一個散熱口就 OK。

每層散熱口都要打爆

出奇地英雄事件既小王非常弱

傀儡荒疫 (開啟難度 ★★★★★)
中間大球會召喚幾個 Taken 召喚陣，當進入召喚陣時會被 Debuff，身上有 Debuff 狀態下離開召喚陣範圍就會得到 4秒 Buff 狀態，係呢個狀態下就可以對中間大球做成傷害，只要達到一定傷害就會進入 Heroic Event (需要多位玩家集火打大球先會夠傷害)

留意左邊有此 Buff 狀態下先可以對大球做成傷害

最後加一張推完首週 Nightfall 既圖先

另外歡迎加入我地 Destiny 2 公會「VJGamer」
//www.bungie.net/en/ClanV2/Chat?groupId=2322292