當年係 PS2 所推出既《大神》係唔少人心目中既超級神作，今次係繼 PS3後再移值落新世代主機度，不過當然係會支援埋 4K 解像度輸出啦，係今年12月就有得玩！

《大神》係 Capcom旗下已經解散咗既四葉草工作室係 2006年所推出既 PS2動作冒險遊戲。遊戲講述八岐大蛇為禍人間，於是天照大神降生於世間退治怪物，並重拾原本屬於自己既十三筆神神力。當中遊戲所展現獨特既水墨卡通為人所津津樂道。(其實之後仲有隻續集《大神傳 小小的太陽》係 NDS出過)

今次既《大神 絕景版》係基於原 PS3 版再加上4K 解像度輸出 (PS4 Pro / Xbox One X PC)，除此之外仲會有得選擇 16:9 同 4:3 兩種比例既螢幕顯示。另外仲會係 Loading 畫面當中加入全新既 Mini Game 比大家賺下 Game 錢咁，當然獎盃系統依然會有啦！

《大神 絕景版》，將於今年 12 月 12 日上市，對應平台為 PS4 / Xbox One / PC，售格 USD 19.99。