一代 SNK 格鬥名作《侍魂》果陣個個都以斬甩人個頭為榮，而今次重新登錄 PS4 / PS Vita 既《侍魂 零 SPECIAL》係以 Neo Geo上既最後一款作品《侍魂 零》為藍本既改良版，仲要賣幾廿蚊咋…..應該唔洗點諗啦？
《侍魂 零 SPECIAL》加入咗一擊必殺「絕命奧義」系統，而且仲可以用《侍魂 零》大佬「兇國日輪守我旺」、大家都好熟既「天草四郎時貞」、「羅將神水姬（ミヅキ）」、「壬無月斬紅郎」等等，總共 28 位角色。當然大家最關心既就係連線對戰部份，遊戲將會對應線上、多人遊玩模式，最正既就係支援 PS4 同 PS Vita 「跨平台連線」同 Cross Save功能，用 PS4 大制恰 PS Vita 既機會黎啦！
另外新增可以任意更改《侍魂 零 SPECIAL》背景音樂既 BGM 選單以及收錄歷代登場角色插畫既畫廊模式。
《侍魂 零 SPECIAL》即日起已經可以係 PlayStation Store 下載，PS4 版同 PS Vita 版價格就 $69 蚊，而 PS4 + PS Vita 合版就 $104 蚊，支援跨平台連線對戰及 Cross Save。
《侍魂 零 SPECIAL》PS4 +PS Vita 版本 傳送門
VJGamer總編，細細個已經蒲機舖，機齡甚深，熱愛電玩文化。