而家大家玩開既卡 Game 唔係《爐石戰記》就係《Shadowverse》，冷門啲既可能會玩埋《上古捲軸》，不過黎緊著名 RPG 系統《勇者鬥惡龍 (DQ)》將會係 11月上旬推出一隻新卡 Game《ドラゴンクエストライバルズ》(暫譯：勇者鬥惡龍：強者對決)，而且已經接受緊事前登錄啦！
就咁睇玩法都幾似爐石，除咗基本出卡之外每個角色都有自己既專屬技能，不過出招就應該係用角色旁邊條超必 Bar 而唔係用 MP / 水晶，暫時未知一場可以用到幾次超必。
都係 30張一副 Deck
留意角色旁邊係有條 bar的
暫時見到參戰角色分別有《勇者鬥惡龍 5 天空的新娘》パパス(CV 玄田哲章)、《勇者鬥惡龍 6 幻之大地》ミレーユ(CV 田中理惠) 、《勇者鬥惡龍 9 星空的守護者》ラヴィエル(CV 新谷良子) 、《勇者鬥惡龍 10 Online》ヒューザ(CV 島崎信長) 同埋《勇者鬥惡龍 11 尋覓逝去的時光》カミュ (CV 內山昂輝)、マルティナ(CV 小清水亞美)，不過肯定遲下一定出晒全角色架啦……可能玩到唔夠人要出唔同造型黎撐數添。
另外只要係出 Game 後一個月內加入就會得到 レジェンドレア確定チケット 一張同金幣 1200G (即係抽5次卡)，三種卡套等等頭批玩家獎勵，當然仲會有埋頭十四日登入獎勵 Double。（活動贈送道具可能會變更）
遊戲推出十四日內每日登入獎勵 Double