近年老任積極出手機 Game，今次終於到旗下皇牌之一既《動物之森》啦！啱啱既 Nintendo Direct 就正式公開《動物之森》手機版既消息，名都定埋叫做《どうぶつの森 ポケットキャンプ》(暫譯做：動物之森口袋中的露營)，而且仲講解埋有乜玩添！

遊戲上大體既玩法就係要做返管理人，然後幫啲動物完成各種委託博人對你增加好感度同埋會得到素材，有咗呢啲素材之後就可以用黎整家具又或者其他工具咁。當然遊戲仲有大量既收集元素，有市集有得幫自己同架車裝身，甚去探訪好友買對方既物品等等要素都有，算係幾豐富！

簡單講即係點整到自己個camp靚，然後炫富就自然會有人埋黎架啦

完成委託就會有素材同好感度

地圖唔同位都會對應唔同既小遊戲

有得釣魚

嫌釣魚慢可以用更狠既方式撈魚

見到 Moving In 既倒數，夠鐘應該會自己入去你個camp

有市集買衫買道具

當然有得去探自己啲FD啦

仲有得幫自己架露營車裝身

作為老任第 4 隻手機遊戲，《動物之森》將會係 11 月下旬推出，採用基本免費/Item課金制，同時會有 iOS 及 Android 版本。