《雷神奇俠3：諸神黃昏》《 Thor: Ragnarok 》係 Marvel Cinematic Universe 第十七部作品，預告已經睇到同前兩部作品風格好唔同，配上 Led Zeppelin嘅 Immigrant song，氣氛比較輕快同搞笑，睇黎紐西蘭導演 Taika Waititi 想比觀眾欣賞到另一風格嘅 Marvel 英雄作品。今次就簡單寫個導讀，令大家更加投入及了解 Thor 嘅故仔。

//www.youtube.com/watch?v=Z99B3_R9pY0

前導故事
今集故事要追溯到《復仇者聯盟2：奧創紀元》《Avengers: Age of Ultron》，Scarlet Witch 用佢嘅能力令到 Thor 睇到故鄉 Asgard 有大事發生。

還記得前一集《雷神奇俠2：黑暗世界》《Thor: The Dark World》結尾 Loki 已經取代佢地嘅父親 Odin 身份。

其後 Thor 發現 Odin 係由 Loki 假冒，正當呢個時候 Asgard 發生嘅事需要 Odin 解決，所以 Thor 同 Loki 就落地球揾Dr. Strange 幫手尋找 Odin ，Dr. Strange 為確保地球安全，所以決定幫 Thor 等人調查 Odin 下落，亦之係《奇異博士》《Doctor Strange》 電影片尾片段所交代嘅劇情，而 Dr. Strange 亦有份係今集電影客串。

今集講乜
Thor 係揾 Odin 途中不幸被冥界女王 Hela 囚禁係海姆冥界 Hel ，同時 Thor 嘅雷神之鎚被 Hela 所毀滅，亦得知道 Hela 要觸發諸神黃昏 Ragnarok，徹抵破壞 Asgard 及其它眾神，Thor 必須聯同 Hulk 等人阻止 Hela 嘅陰謀。

諸神黃昏 Ragnarok 係咩黎?
諸神黃昏 Ragnarok 係北歐神話預言中嘅一連串浩劫，包括無數自然浩劫丶寒冬冰封大地丶全世界的人互相砍殺丶所有施了法術嘅魔鍊及詛咒束縛都通通消失，眾神因要同被解開封印嘅妖魔大戰而逐一死去，最後整個世界沉沒在水底當中。

 新登場角色簡介
Valkyrie

原名布倫希爾德，係 Asgard 守謢者之一，負責引領榮耀戰死靈魂到英靈殿，被 Odin 分配擔任女戰士團團長，身穿藍斗篷，備戰時會手執長矛及神劍 Dragonfang，亦會騎住飛馬 Aragon 迎戰。

手執長矛及神劍 Dragonfang

飛馬 Aragon

Executioner

原名 Skurge ，Asgard 戰士之一，名字源自擊敗風暴巨人後獲得，漫畫中亦曾與其他超級英雄守䕶 Asgard 免受破壞，而且為咗協助 Thor 等人逃離地獄世界而單人匹馬陣守彩虹橋，最後壯烈犧牲。

單人匹馬陣守彩虹橋，最後壯烈犧牲

Grandmaster

原名En Dwi Gast ，係13位 Elders of the Universe 的其中一位 ，興趣係賭博，通常會聘用其他生命體係自願或不自願下作為自己遊戲嘅棋子，亦之係預告所見 Thor 與 Hulk 係鬥獸場一役，另外 Grandmaster 亦曾經擁有心靈寶石。

Elders of the Universe

Thor 與 Hulk 係鬥獸場一役

Grandmaster 亦曾經擁有心靈寶石。

Hela

別名 Goddess of Death，第一位 Thor 電影系列的女性反派，原著漫畫設定為 Loki 與女巨人 Angerboda 所生的三女兒，作為冥界女王擁有掌控 Asgard 眾神嘅生死權力，眾神的死亡與人類不同，眾神死亡後靈魂會留係自己身體，等待 Hela 吸取，Hela 通常會係 Asgard 人生命危在旦夕時先會吸取佢地嘅生命，但同時亦可透過身體接觸直接殺死無生命危險的眾神。電影中 Hela 被囚禁已經一段長時間，內心積累巨大嘅痛苦及仇恨，而且化做自己嘅力量，係預告所見呢種力量令到 Hela 可以一手毀滅 Thor 嘅雷神之鎚。

預告所見 Hela 可以一手毀滅 Thor 嘅雷神之鎚

片長最短的 Marvel 電影

《 Thor: Ragnarok 》片長僅約 100 分鐘，打破了 2008 年《The Incredible Hulk》112 分鐘的紀錄，成為Marvel Cinematic Universe 最短的電影，而近期拍攝完成的《Avengers: Infinity War》有報導指將會成為Marvel 片長最長的作品，大概將超過 150 分鐘。導演 Taika Waititi 受外媒受訪時亦表示被刪減的電影畫面將會出現在未來發行的影碟當中。

無論片長幾短都好，最緊要精彩好睇，記住坐定定睇埋電影結尾片段先好走，包你有驚喜~