等到頸都長嘅《絕體絕命都市》系列已經成為遊戲界入面嘅不幸連環代表，有留意開 Game 界新聞嘅朋友，應該都有聽聞過《絕體4》之所以出極都出唔到，係因為之前幾次想正式 Launch 遊戲嘅時候，日本都不幸地遇上嚴重天災……基於日本人嘅「自肅」文化，怕國民喺遊戲入面觸景傷情，所以遊戲開發都因此而擺埋咗一邊。

咁…《絕3》已經講緊係 PSP 年代嘅事，而《絕4》，前兩年叫有啲聲氣，但係等完又等，等到連《巨影都市》呢個真惡搞假逃亡嘅遊戲（喂）都出埋玩埋，《絕4》都仲係未有正式發售日期。咁無嘢嘅，好似等《HunterxHunter》咁，等到麻木，你就唔會覺得「等」係一個問題！LOL

不過事情似乎有轉機，事關日本黎緊嘅遊戲雜誌《Fami》將會刊登《絕4》嘅最新開發動態！目前就知道遊戲對應 PSVR，而雜誌圖片中亦可見更多有關遊戲嘅場景同探索資料，唔通有望 2018 年玩得到？

為大家送上遊戲最新 PV：