開放世界海盜遊戲《Sea of Thieves》今個月尾有得試玩!

開隻船出海,用大砲互射,跳上敵船打白兵戰、搵埋藏係海底既寶藏,呢堆野加埋咪即係海盜囉(或者你話諗起 One Piece都得既),再加上開放世界呢個元素似乎就得 Ubisoft 既《Skull and Bones》同埋今次介紹既《Sea of Thieves》,而且呢隻遊戲海洋既優秀表現得到《PUBG》既首席設計師 Brendan Greene 垂青(相關文章),考慮將呢種海洋表現手法加入《PUBG》添!

《Sea of Thieves》屬第一身視點遊戲,採用 Unreal Engien 4 引擎開發。玩家可以選擇自己做 Lonely Player 又或者同伙伴一齊駕駛同一艘船,同時仲可以設定每個人既分工職位,即係你可以決定邊個做炮手邊個做大副咁樣,係幾過癮的。

 

除咗見到敵人可以互射大炮、火箭之外,仲可以發射人肉大炮上敵船又或者衝過去強行登船玩白兵戰,進入白兵戰既時候有得用槍或者刀黎對決。

 

《Sea of Thieves》會係 1 月 24 日 20:00 起到 1 月 29 日 15:59 呢段時間進行封閉測試,已經預購數位版既玩家就會有參與既資格,如果之前 12月果陣有參加過預覽計劃既玩家亦都可以有今次既資格,遊戲預計係 2018 年 3 月 20 日正式市,數位版就接受預購中,對應平台為 Xbox One/Windows 10。

 

《Sea of Thieves》預購頁面

 

五木

動漫電玩宅,極愛金田一系列,擅長動作及策略遊戲

追蹤

更多文章