【尋找失落文明】《Neo Atlas 1469》移植 Switch・出海小心撞到水怪!

鍾意玩出海、探索策略系遊戲嘅朋友,應該就唔會對《Neo ATLAS》呢個系列感到陌生,佢最原始嘅版本《THE ATLAS》初登場時已經講緊係 1991 年嘅事;系列咁多年黎,喺日本同歐美嘅人氣一直唔錯架!

今次呢隻 Switch 版嘅《Neo ATLAS 1469》可以話係 2016 年 PSV 版嘅更新移植版,最大嘅分別絕對係可以對應 TV Mode;如果鍾意用手提 Mode 玩嘅朋友,呢個遊戲亦都對應 Touch Screen,就算遇到啲微細嘅指令都唔驚難操控。

至於遊戲玩咩呢?簡單黎講,就係率領自己嘅船隊,務求探索哂成個世界,直至填滿哂張地圖為止;過程入面,會收到好多不知真偽嘅情報,要靠玩家自己判斷、亦鼓勵玩家求真嘅冒險精神;而每發現一個新地域,亦可以獲得當地嘅資源,咁船隊就可以同其他國家進行質易賺錢,賺到錢就可以再買船強化自己隊伍。

一開始淨係得少少歐洲地圖

有人同你講前面會沉船,你信唔信?(即係玩 Dark Souls 有人同你講「跳落去唔會死」你跳唔跳?LOL)

獲得資源!

不過遊戲最大嘅吸引力,絕對係當中嘅「神話傳說」要素!遠古歷史發生過咩事,其實人類今時今日都仲係未發掘得哂;會唔會真係有過水底文明?會唔會曾經真係有高科技做到天空之城?又會唔會有啲咩海洋咀咒、神秘怪物呢?即係咁,我本身就對啲若真若假嘅傳說故事好有興趣,呢個題材真係我杯茶吖!

Switch 版遊戲 2018 年 4月 19 日會正式上市,有興趣嘅朋友不妨睇下以下呢段 Trailer啦:

神婆

遊戲雜食向,FPS 苦手,全種類 RPG 專攻,重度聲優控。使用機種:Xbox Series X|PS5|Nintendo Switch|Steam Deck。

追蹤

Facebook 更多文章