《碧藍幻想 Project Re:Link》展示實機遊玩影片 水準拍得住 Nier!!

由品質保證既 Platinum Games 開發,Cygames 發行既《碧藍幻想 Project Re:Link》係早前發表咗條鐘既實機遊玩片段,呢條影片主要分2部份,第一部份係由女騎士「カタリナ」帶大家睇個個城係點樣,第二部份就係展示戰鬥場面,睇完只能夠講絕對唔會輸比《NieR:Automata》!

 

《碧藍幻想 Project Re:Link》係使用營運緊既手機版《碧藍幻想》做藍本,源用原作世界觀同角色,再以動作+角色扮演黎重新包裝既作品。係第一部既片段展示咗城鎮既面貌(同埋カタリナ個背脊),係旁邊見到有酒館、寶石店、武器店、鍛冶屋等等,相信係會有互動選項。個人感覺個城都幾似 Online Game《龍之谷》,當然畫面整體表現就優勝好多啦。

 

第二部份既片段就係展示遊戲戰鬥場面,由片段所見戰鬥隊伍由四人組成,暫時未知係咪可以多人合作遊玩。登場角色方面見到有騎士カタリナ 、炎帝パーシヴァル、操舵士ラカム、魔導士イオ ,暫時未知原作既上級職業會唔會存在。

如果有得連線合作的話,補師都幾需要預判技巧

 

係戰鬥過程中見到角色名字下面有條藍色既技能糟,當儲夠一定數值就可以使出元素攻擊,亦即係話原作中既火・水・風・土・光・闇六大屬性會重現。而角色頭像下面會見到黃色既奧義糟,儲滿既時候就可以使出奧義,如果複數角色使出奧義攻擊,就會追加為發動全體攻擊「連鎖爆發(チェインバースト)」,爽度爆燈!。

 

BOSS 一樣有 OVER DRIVE 狀態

威力強大「連鎖爆發(チェインバースト)」

 

 

《碧藍幻想 Project Re:Link》 預定 2018 年推出,對應平台 PS4 及 PSVR。

 

 

五木

動漫電玩宅,極愛金田一系列,擅長動作及策略遊戲

追蹤

更多文章