《Monster Hunter:World》多人連線教學

今集同以往集數唔同,即使自己開咗集會所都唔會跳去第二個區域,搞到唔少老手都要搵好耐先連到。亦都有唔少讀者反映話搞黎搞去都唔知點同朋友連線一齊屠龍,所以我地特別整呢篇教學希望幫到大家!

 

想同朋友玩,不外乎係自己開集會所又或者參加朋友開既集會所,係呢度先教大家點開集會所先。

 

自己開集會所

只要去調查據點任務櫃台(or搵櫃台小姐),又或者係任務看板度,就會見到有「自己建立集會區域」選項,如果只係想同朋友連線的話記得創建時將集會區私人設定為「打開」。

另外亦都可以係 Option > 溝通交流 > 邀請好友 都同樣可以叫朋友加入你既集會所連線區。

 

參加朋友集會所

只要去調查據點任務櫃台(or搵櫃台小姐),又或者係任務看板度,就會見到有「移動到別的集會區域」選項,然後選「從集會區域號碼搜尋」就可以,至於個號碼其實開房果位朋友再一次選擇「自己建立集會區域」選項又或者 Option > 溝通交流 > 成員清單 都可以見到。

 

當同朋友進入同一個集會所之後,仲需要接取任務先可以一齊玩,如果玩家想自己做隊長就去接任務啦,如果想幫其他朋友一齊會合玩乜都得的話就用參加任務,不過要注意同朋友遊玩時大家進度相約先可以一齊打同一任務。

 

咁如果無朋友又點算呢?

今集新增咗樣野叫做「求難信號」,係任務或者探索途中,只要係 Option 入面就會見到有「發出求難信號」選項,一旦發出訊號即使係集會所以外區域玩家都會見到,咁樣其他人就可以入黎幫忙啦!

 

當然好多時我地同陌生人打完之後會遇到可以成為朋友既玩家,係呢個時候 Option > 溝通交流 > 交流玩家歷程紀錄 就可以搜索到之前同你連線既隊友集會所,又或者直接加佢 PSN 好友都可以。

 

同好友一齊組成小隊!

基本上可以視之為公會,玩家可以係集會區域「小隊管理所」建立小隊,或者參加其他玩家邀請小隊。
當玩家參加咗小隊之後玩家角色頭上會顯示小隊圖示、公會名片上會顯示小隊名稱與圖示、會顯示小隊所屬成員名單、可自由留言給小隊所屬成員以及可在小隊成員專用的集會區域集合。

 

最後要提醒一點就係任務報酬,當多人遊玩完成任務時,報酬金將會平均分配比每一位隊員,如果係中途參加任務既話,就會根據參加時間比例而減少任務報酬,不過報酬金則不受時間影響。

 

Price.com.hk 《魔物獵人 世界》中日英文合版價格查詢

 

回帶相關連結:

《Monster Hunter:World》全營地位置公開!

《Monster Hunter:World》最易襯衫麒麟裝任務出現條件公開!

《Monster Hunter:World》全14種武器簡單介紹及出招表

《Monster Hunter:World》官方活動任務時間表

《Monster Hunter:World》PS4 vs PS4 Pro 畫面表現及流暢度比較!

 

滅盡殺手

滅盡殺手 重度魔物獵人中毒者,歷代遊玩時間破億分鐘!

追蹤

更多文章