首先就唔洗大叫「燒山好野」住，因為此蕭不同彼蕭。日前中國數碼文化宣布，將會繼周杰倫、林俊傑、余文樂等藝人之後，連同知名歌王蕭敬騰共同成立「The Jams電競俱樂部」，細節將會預定 2 月 7 日舉行發布會正式公開。

知名歌手蕭敬騰

暫時大家熟知並已有自己電競戰隊既藝人包括有周杰倫「J Team」、林俊傑「SMG」，NBA球星林書豪「Team VGJ」，NBA球星余文樂「MAD TEAM」。而前三隊都係同與中國數碼文化合作，由中國數碼文化出資控股，明星藝人就授權名、肖像等使用權、代言等等，相信蕭敬騰隊「The Jams」都會係呢種模式，不過據估計呢隊電競隊參與遊戲項目應該不外乎係《PUBG》、《傳說對決》、《王者榮耀》、《英雄聯盟》呢四隻，唔通我會信你組對打龍珠咩！