問=小編L=冠軍選手Lawrence

問：有參加過其他爐石比賽嗎？

L：無參加過其他爐石線下比賽，不過之前喺美國試過玩過一個Bo4嘅線上比賽，但當入到八強嘅時候，因為要去上堂所以就棄左權，之後就無再參加過其他爐石嘅賽事。

問：外國與香港的比賽有什麼不同？

L：我之前玩嘅嗰嗰比賽呢，就係用Discord Channel去玩嘅，咁今次參加《爐石戰記》Best of Hong Kong嘅比賽係一個線下賽，對於我嚟講最大嘅挑戰就係喺籌碼嗰方面，好驚自己拎唔夠籌碼，因為拎籌碼個機率有d低。好在最後都拎到5個繼續比賽。如果今次嘅比賽可以由一開始就用Bo4嘅形式來進行嘅話，咁呢個比賽就會更加完美啦。

問：平時有看爐石實況？

L：平時比較少睇爐石嘅實況，通常自己玩比較多，而且比較偏向玩競技場。係兩個星期前知道有呢個比賽之後先開始玩返天梯訓練一下。

問：牌組的靈感來自於？

L：通常會喺網上搵1d比較多人玩同強度較高嘅牌組，另外會按每一張牌佢嘅勝率同實用性去決定放唔放入牌組，所以我用嘅牌組都同網絡流傳嘅牌組有d相似。

問：是次比賽的選手水平如何？

L：今次比賽嘅選手實力比我想像中勁，因為我本身以為喺香港唔會有機會見到1d天梯高過R5嘅人，但點知到左現實先發現原來都有好多人已經係傳說級。