LEGO《Cities Of Wonders》馬來西亞限定 開箱

LEGO《Cities Of Wonders》4個系列入面,香港同台灣都同大家介紹過同解構過,今次有幸可以得到呢套馬來西亞限定,特別鳴謝香港嘅 LEGO 認證大師 Andy Hung 洪子健 慷慨借出珍品!

不過今次同以往嘅介紹有少少唔同,我會將製作過程同大家分享左先,再一次過講返呢個馬來西亞限定嘅特別之處。事不而遲,睇一睇《Cities Of Wonders》馬來西亞限定有幾 Wonderful 先!

 

馬來西亞限定分別係「馬來西亞國花大紅花 Bunga Raya」、「舊村屋 Kampung」、「月亮風箏 Wau」同埋「馬來粽 Ketupat

包裝盒嘅Size都比香港/台灣細少少

每盒嘅盒側四邊都有印左該盒嘅產品圖

如果大家係儲埋包裝的話,開盒要特別小心。


馬來西亞國花大紅花 Bunga Raya 製作過程

砌左出嚟真係同 1:1 差唔多咁大啊

正面睇的確幾完美,五瓣清晰明確


月亮風箏 Wau 製作過程

組裝同配色,做返「月亮風箏」嘅對稱圖案

馬來粽 Ketupat 製作過程  

雖然製作上簡單,但真係一睇就認得出係馬來粽

舊村屋 Kampung 製作過程


製作後感

先講點解會同以往有分別唔去逐件講解嘅原因,其實就係因為馬來西亞限定嘅仔細位置其實真係無乜,而且製作方式上亦冇乜特別嘅亮點。可能大家聽到覺得呢個係一個負面評價,但相反馬來西亞限定帶出左一個大家都忘記嘅事 – LEGO 係比小朋友玩嘅玩具!

先講取材,呢set係將馬來西亞最有代表性嘅物件砌出嚟,亦係將小朋友經常見到嘅物件將佢積木化,而且好似大紅花 月亮風箏馬來粽咁,隨手可以拎埋件實物比小朋友做學習,將一件可能對小朋友冇乜了解嘅事物加上一啲吸引點,從玩樂中學習自己地方嘅文化之最。

馬來西亞限定可能對收藏者或者有一定年紀嘅玩家都可能冇乜大吸引力,但佢絕對係最具當地代表性嘅《Cities Of Wonders》作品。

 

相關文章:

LEGO《Cities Of Wonders》香港限定 尖沙咀鐘樓 開箱

LEGO《Cities Of Wonders》香港限定 終審法院大樓 開箱

LEGO《Cities Of Wonders》香港限定 大埔鐵路博物館&上環西港城 開箱

LEGO《Cities Of Wonders》台灣限定 85大樓 & 赤崁樓 開箱

LEGO《Cities Of Wonders》台灣限定 台中火車站 & 中正紀念堂 開箱

阿九

打機 - 識少少;玩具 - 識少少;睇戲 - 識少少;動漫 - 識少少..... 買膠、派膠、分享膠!Only The Best Is Good Enough! Lego Enthusiast //goo.gl/HRnxDW

追蹤

更多文章