有返咁上下機齡既玩家一定識得《古惑狼》呢隻遊戲，而且早果排先係 PS4 上面出返《古惑狼：三部曲》高清重製版，唔少人（包括我）都以為佢係 PlayStation 獨家既遊戲黎，勢估唔到係琴晚既「Nintendo Direct」入面公布呢隻狼將會係今年內登上 Switch……雖然會令到多啲玩家認識呢個系列絕對係好事黎，但係唔知點解有種老婆去勾佬既感覺……
《 古惑狼 》系列於1996年9月首次登場，當年對應既平台係 PS1，想當年因為遊戲碟賣得好平（一般黎講 $20蚊隻）仲有自助找續系統（！？），基本上係機主都會有呢隻遊戲。呢隻遊戲以當年既技術黎講 3D卡通畫面係做得非常之出色，而且每關地圖設計巧妙又有隱藏關卡，操控簡單得黎又需要有技巧，當時黎講同孖寶兄弟可以講得上係分庭抗禮，而且呢隻遊戲仲係第一隻得到日本「金賞」既非日語遊戲作品，真係好勁。
今次係 Switch 上面推出既《古惑狼》係之前 PlayStation 4上面推出既《古惑狼：三部曲》，包含 1-3集既重製版《古惑狼》，遊戲預定今年內推出。
VJGamer總編，細細個已經蒲機舖，機齡甚深，熱愛電玩文化。