《Monster Hunter World》「開花之宴」、《洛克人》聯乘活動情報

雖然出咗一段時間,但係人氣依然高企既《Monster Hunter World》終於發布咗最新既活動情報,今次主要係公布可獲得新衣裝製作品活動「開花之宴」,以及等咗勁耐既《洛克人》聯乘活動資訊。此外,之前出過既活動任務接近全部有得玩返,當然之前得 2日 HR50 以上狩獵恐暴龍活動任務「脈動,本能」亦會重新登場,激運票亦都會加到一日兩張。

恐暴龍活動任務「脈動,本能」再臨!

 

季節活動 アステラ祭「開花之宴」

於 4月6日 – 4月20日「開花之宴」期間,集會區域「星之船」會出現特別裝飾,集會各人員亦會穿上特殊服裝。另外過往活動任務接近全數復刻,激運票亦都會加到一日兩張。

集會區域變成「星之船」

NPC們都會穿上新裝

 

 

當然大家最關心既就係會有咩新裝,係活動期間會取得道具「開花票」,用呢張票可以製作新防具「開花系列(ブロッサムシリーズ)」 。另外活動期間仲會有限定任務,係限定任務內得到既素材可以製作「パピオムシリーズ」男性專用防具及「クインビート」女性專用防具。

新防具「開花系列(ブロッサムシリーズ)」,左邊係新男性專用防具,右邊係新女性專用防具

當然艾露貓都會有新裝

 

除咗以上既要素,官方又點會忽略課長們既需要。活動期間會推出新既動作及貼圖等等付費 DLC,又係課長們 Show off 既時候啦!

新付費動作

 

 

登場的復刻活動任務

  • 《地平線:期待黎明》特別合作:活動任務「荒野教誨」
  • 《地平線:期待黎明》特別合作:活動任務「試練」
  • 《Street Fighter V》特別合作:挑戰任務「不畏泥地之人啊」(本次活動將不再需要街霸5存檔)
  • 活動任務「脈動,本能」
  • 活動任務「清晨大騷動」
  • 活動任務「獵人永遠的夢想」
  • 活動任務「大胃王們來了!」
  • 活動任務「共鬥鳥 × 鳥」
  • 活動任務「打開食欲之門!」
  • 活動任務「爭奪地盤決定戰」
  • 活動任務「狩獵骨肉」
  • 活動任務「雙幻影」
  • 活動任務「長有翅膀者有毒」
  • 活動任務「我們是惡棍」
  • 活動任務「抗拒強光的人們」
  • 活動任務「愛上蛋吧!」
  • 活動任務「身心都是孑孓」
  • 活動任務「咚咚咚三兄弟」
  • 活動任務「爆鎚龍們翻倒了!」
  • 活動任務「深綠的藍調」
  • 活動任務「荒野的波麗露」
  • 活動任務「海台的華爾茲」
  • 活動任務「荒廢之谷的歌劇」
  • 活動任務「結晶體的搖滾樂
  • 活動任務「交貨順便調查痕跡」
  • 活動任務「交貨,不管怎樣就是要痕跡」
  • 活動任務「山丘上的雪見櫻」
  • 挑戰任務「巨蜂大爆動!!」

 

 

《洛克人》特別合作活動

完成活動任務「ラッシュ大騒動!?」將可取得洛克人票卷,之後就可以生產 8bit 洛克人艾露貓裝備「洛克人貓系列(ロックマンネコシリーズ)」 ,裝備後會連背景音樂都轉變為洛克人系列。

 

活動任務「ラッシュ大騒動!?」

任務開放期間:4月13日早上 8:00 – 4月27日早上 7:59
任務等級:★ 7
參加條件:獵人 HR 13 以上
地場:鬥技場
主要目標:狩獵兩頭慘爪龍

 

 

 

官方網站傳送門

 

滅盡殺手

滅盡殺手 重度魔物獵人中毒者,歷代遊玩時間破億分鐘!

追蹤

更多文章