【新手指南】《Snack World》全日文都無有怕!10 個中文上手指南在此

好多網友睇完我地篇「《Snack World》出 Cheat 會比王上鬧」嘅短文介紹之後,都表示對遊戲有深厚興趣,一來人設圓碌碌好鬼得意,二來《Snack World》係 Switch 平台上面少有可以 4 人 Online 連機合力嘅遊戲,所以佢會吸引大家注意,絕對可以理解!

簡單黎講,《Snack World》係一隻 RPG,身為主角的你,有一日無啦啦出現咗喺某國家;然後被稱為「勇者」嘅你,就開始「不斷幫國家解決問題」嘅勞工命運(笑)遊戲劇情以輕鬆惡搞為主,不過難度方面就同可愛畫風頗有落差,都會有難打嘅部份架!除此之外,仲要做任務刷武器同素材,係一隻非常令人入坑嘅遊戲。

如此好 Game,好想吸引更多朋友仔一齊玩;由於遊戲無中文版,為咗方便唔係太擅長日文嘅朋友,我整理咗少少基本中文資訊,比新手玩家可以快啲了解遊戲系統,希望會幫到你地喔~

(1)邊度加角色技能點?

(1)非進行任務時,按 Y,進入此頁面;點選第一行第二粒「My Menu」

(2)揀第一格「人間性」

(3)入到去,見到呢堆乜鬼「女子力」「愛嬌」,乖,唔好講「做乜勁」住,假像黎的。而家撳一下「X」

(4)其實每一格代表加乘角色唔同嘅能力,角色每升一 Lv,就會獲得一點「人生 Point」,大家可以隨便點能力

各能力值中文對應(順次序排列):
【美】魔力 + 10、風屬性耐性 Up、魔力 + 20、吸收敵方 HP、隨從力量 Up
【忍耐】防禦 + 10、地屬性耐性 Up、防禦 + 20、冰屬性耐性 Up、全狀態異常防止
【知識】魔攻 + 10、闇屬性耐性 Up、魔攻 + 20、水屬性耐性 Up、全狀態異常耐性 Up
【Sense】會心率 Up、經驗值 Up、會心率 Up、雷屬性耐性 Up、攻擊速度 Up
【女子力】HP + 20、炎屬性耐性 Up、HP + 30、輔助效果時間  Up、戰鬥攜帶多一種輔助道具
【愛嬌】力量 + 10、光屬性耐性 Up、力量 + 20、金錢入手量 Up、隨從經驗值 Up
【運】增加珍貴素材掉落率
*不過呢一項唔係用「人生 Point」點的,要用「運氣香」,可在「一番賞」或戰鬥中隨機拾取

(2)點樣換武器裝備?

(1)任務外時按「X」進入背包頁面,揀第二個選項,就可以隨意更換你想要帶出去的武器及藥品

(3)裝備除咗買,仲可以自己製作的!

(1)在服裝店可以買到 Catalogue;即係圖片左上角鎖匙仔嗰一欄。買左就可以解鎖新服裝製作方法

(2)任務以外時,撳「X」(背包圖案)進入個人化頁面,尾二選項為「製作裝備」

(3)揀選你想製作嘅嘢,同樣地按「X」可以睇裝備嘅能力值;如果手頭上夠料整,佢會同你講 Ready 然後可以撳「Y」一口氣交予材料,製作完成~

(4)如果夠材料就強化裝備吧!

(1)同樣地在任務以外時間,撳「X」進入背包頁面;最尾一個選項

(2)大家可以睇下強化裝備需要咩材料。注意:服裝只需收集素材就可升級,但武器需要有同一把武器+素材先會 Upgrade 到的!請努力刷掉落物了~

(5)你可以裝備一件衫嘅能力,但可以同時外觀顯示為另一件衫!

(1)背包頁面,第三項「Fashion」

(2)上面為「裝備能力」下面為「外觀顯示」;大家可以撳「R」睇下遊戲當日推介大家著咩品牌或顏色,因為會有加乘作用的!

(6)咁點樣轉顏色先?

(1)同上,喺「Fashion」頁面,外觀裝備,揀你想要嘅衫,佢會問你轉唔轉色(圖中第二格)

(2)一件衫有五隻色,每 Upgrade 件衫一次,就開放一種顏色。所以想 Fashion Show 嘅朋友,都係一句,請刷裝(默)

(7)講刷裝講咗咁耐,到底點睇邊度有邊啲素材同武器跌呀?

(1)大家日常撳「R」進入揀任務頁面(左為主線任,右為支線任);再撳「X」,就會見到資訊切換為該任務會掉落的素材

(2)素材以外,仲有一樣叫「目玉報酬」的東西。任務完成後開寶箱……

(3)不過唔一定場場都跌的 LOL!想要嘅就刷關吧!

(8)可以同隊友交換裝備!

(1)去返「Y」手機頁面,第二行最尾選項,「Trade」

(2)可以揀同朋友面連/網連,然後再揀要交換「武器」或「服裝」;編輯部測試過,交易速度極快,唔驚有 Bug,放心 Trade 吧!

(9)平時收服到嘅「Snack」隨從……點樣更換?

(1)撳方向鍵「左」制,進入此頁面。

(2)第一個選項係「帶出去跟你打嘅 Snack List」

(3)第二個選項係「戰鬥中可以變身成為佢」嘅 Snack List

(10)任務中都可以同隊友對話!如何拎新 Sticker 同表情?

(1)按方向鍵「下」制,出現右手邊對話框;對話框右上,綠色六角形幣,可於戰鬥中獲得,可解鎖新 Sticker 或表情動作

以上!係我為大家準備嘅 10 個中文上手指南,之後有機會,我會再同大家分享遊戲中其他心得或攻略的,希望有興趣嘅朋友睇完呢份中文指南之後,會加深入手呢個遊戲嘅意欲喔!!

相關文章:
【Snack World 出 Cheat 會比王上鬧】

神婆

遊戲雜食向,FPS 苦手,全種類 RPG 專攻,重度聲優控。使用機種:Xbox Series X|PS5|Nintendo Switch|Steam Deck。

追蹤

Facebook 更多文章