【我佛你】佛祖、關公、濕婆、耶穌大亂鬥 《眾神之戰 Fight of Gods》打到上 NS!

由台灣團隊數位卡夫特開發,舊年係 Steam 正式發售既神佛大亂鬥《眾神之戰 Fight of Gods》,將會正式登錄 Switch!呢隻遊戲係推出既時候已經話題性十足,之前仲因為遊戲涉及敏感宗教議題,搞到馬來西亞同埋新加坡都禁售!

 

《眾神之戰 Fight of Gods》係一隻 2D 格鬥遊戲,當中集合中外神佛,有大家熟悉既關公、媽祖、佛祖,亦有黎自希臘既選手宙斯、北歐既選手奧丁,就連日本選手天照大神,埃及選手阿努比斯都有(最騎呢係有聖誕老人)。雖然係音效同畫面上面都唔算出色,但係話題性同創意已經彌補返晒,絕對值得同 FD 入手打返餐勁!

 

不過需要注意一點,遊戲暫時只係會有日版發售,即係大家記得係 JP eShop 先會搵到。《眾神之戰 Fight of Gods》Nintendo Switch 版本將會係 2018年正式發售,將會包含所有已推出 DLC 角色,售價 1500 日圓。

森麻

Avatar VJGamer總編,細細個已經蒲機舖,機齡甚深,熱愛電玩文化。

追蹤

Facebook 更多文章