XBox 秘密武器?《Scalebound》無聲無息地重返 Online Store!

係 2014年果陣,Xbox One 係 E3 度公布咗隻超勁既四人連機屠龍作品《Scalebound》,當初公布既時候大家嘩嘩聲,除咗概念畫面都極正之外,仲係由品質保證既白金工作室(Platinum Games)開發,當然令人極為期待。可惜既係,舊年微軟宣布正式終止開發,並且於 Xbox Online Store 下架,不但令到大量玩家極為失望,仲搞到白金工作室營運一度出現困難 。但係黎到今時今日,呢隻超級大作似乎有復活跡象咁啵。

 

係最近,本身已經下架既《Scalebound》頁面,突然之間重新開返,內容同之前一樣都係由白金工作室開發。雖然有機會係微軟官方人員既失誤,但係外國瘋傳既狀態下,《Scalebound》仍然無下架呢點令人相當懷疑。再者就黎緊 6月就係 E3,好有機會其實已經講掂數,係 E3 比個驚喜大家。

《Scalebound》再次現身於 Online Store

開發仍然係白金工作室

 

留意近年 Xbox 既策略,佢地會選擇一啲有威力,但又唔會淨係歐美向既獨佔作品,例如《PUBG》、《Dead Rising 4》(時限獨佔)、《State of Decay 2》、《黑色沙漠》等等,選擇《Scalebound》作為秘密武器絕對係正確決定,希望黎緊 E3 會帶比我地一個好消息啦!

 

 

五木

五木 動漫電玩宅,極愛金田一系列,擅長動作及策略遊戲

追蹤

更多文章