PS4版《H1Z1:大逃殺》公測開波 務求於家用機大逃殺市場佔一席位!

講到大逃殺類型遊戲大家第一印象多數都係《PUBG》又或者係《Fortnite》,但係首個將大逃殺引入遊戲既係另一款生存遊戲《H1Z1》。如果有玩開 PC 遊戲既,相信唔會對《H1Z1》陌生,話晒都曾經紅極一時丫。近日,呢隻遊戲終於黎到 PS4 啦!

 

《H1Z1》遊戲係 5 月 22 日登上咗 US PS Store,並以免費下載形式推出公測版本,而且無講到公測截止時間,睇黎將會以免費形式測試一段長時間(歷經 3 年 Steam 搶先體驗公測)。

係第一日既公測遊戲錄得超過二十萬在線人數,下載數超過一百五十萬,可以話幾好成績。不過公測過程都有出現斷線、等待時間過長、無法載入比賽等等情況。如果好景持續,開發商 Daybreak Games 必需正視呢個問題。當然如果遊戲營運得好的話,絕對有能力吸納一班固定玩家,因為《H1Z1》係 PS4 上面唯一有真實軍事畫風既大逃殺遊戲,而且無外掛,的確有能力同《Fortnite》一戰。

 

最後補充返少少同 PC 原版既分別。PS4版《H1Z1》加入咗六把新武器,並且將遊戲安全區縮小速度提升。係補給方面亦有修改空投頻率,明顯地想加快遊戲節奏,逼使玩家積極參與搶奪空投補給。《H1Z1: Battle Royale》公測已經推出,有興趣既朋友可以去 US PS Store 下載。

係 US PS Store 可以免費下載

五木

五木 動漫電玩宅,極愛金田一系列,擅長動作及策略遊戲

追蹤

更多文章