《Diablo》Fans 喜訊！今年 BlizzCon 2018 好大機會有 《Diablo》新作既消息，因為 Blizzard 已經係官網公開招聘大量職位，而且職位內容開場白都非常明確地寫住「地獄軍團既力量日益茁壯……」，並且列明係一隻全新及未公開既《Diablo》新計劃！

Blizzard 搞《Diablo》開發團隊人員招募已經唔係第一次，數返去 2015 年果陣都曾經公開招募《Diablo》美術總監等職位。當然大家當時都紛紛猜測到底係搞咩咁，答案就係對應《Diablo III》既追加付費 DLC《Rise of the Necromancer》。

至於今次既招募就比起上次規模更大，話佢係近呢五年《Diablo》最大既規劃都絕不過份，我地不如睇下到底佢請乜人先：

對 Blizzard 了解既朋友應該已經聞到陣味，呢種規模既招募加上內部調配，已經可以肯定係整緊重點大作，甚至係重整緊新既《Diablo》核心團隊。

當然新計劃未必係《Diablo IV》，當然亦有機會係新既《Diablo III》資料片，甚至係《Diablo 2》重製。不得不提既就係官方自今年 3 月開始，陸續發表有《Diablo III》 Nintendo Switch 移植版既消息，不過望下條招募 List 就覺得唔太關事。

不過相信 Blizzard 經歷《Diablo III》既挫敗之後，唔會再重蹈覆徹。由呢次招募既規模亦都見到 Blizzard 有幾重視呢個品牌，期望黎緊既 BlizzCon 2018 會帶比我地一個好消息。