《Fallout 76》未出但係已經帶旺維珍尼亞州嘅旅遊業，而佢啲週邊商品都開始出爐。向來《Fallout》出 Game 都會喺特別版出隻新 Pip-Boy 比玩家戴住玩下。不過今次出嘅呢隻唔只可以戴上手，你仲要自己砌埋添。

唔係兩三舊膠就咁夾埋咁弱雞嗰啲模型啊，組件都超過 150 件，砌好為後啲掣全部撳得扭得。不過呢就真係模型嚟嘅，所以唔會有任何功能，但係淨係個盒都靚到買嚟擺都抵！

「Pip-Boy 2000 Mark VI模型套裝」訂價 USD$149.99 (約港幣$ 1177)，唔同地區有唔同嘅網上銷售點，香港玩家最方便就上返 ThinkGeek 度訂啦！今年年尾先發貨，當買返件聖誕禮物比自己開心下囉。

「Pip-Boy 2000 Mark VI模型套裝」官方網站