【手機4v1】Dead by Daylight團隊製作 手機版本捉依因 – 第五人格 Identity V

依家十個有九個手機Game玩家都玩《食雞》,開始覺得要搵啲新野嘅時候,誠邀大家參加一個血腥盛宴!

《第五人格 Identity V》呢隻 4v1 捉依因遊戲,其實係由 《Dead by Daylight》 團隊以顧問形式去一同製作。一場遊戲中 4 個玩家就扮演要破解密碼機去逃離莊園嘅「求生者」,而另外嘅一個玩家則扮演追捕嘅「監管者」。雖然大陸版一早就上左架,不過國際版就會於 7 月 6 日喺 App Store 同  Google Play 登場,依家大家都可以預約下載。

「求生者」角色:園丁、冒險家、小偷、醫生、律師

「監管者」角色:廠長、鹿頭、小丑、開膛手

當然仲有好多不同角色會比大家使用


《第五人格 Identity V》同已往嘅 4v1 遊戲比較特別嘅地方係,一開始遊戲唔係就咁以「求生者」或者「監管者」去直接開 Game,而係先用「偵探」呢個角色去查探一件失踪事件,過程當中去了解每一個「求生者」同「監管者」嘅使用方法同技能。要同朋友開局前係需要多啲時間,不過最少令玩家知道啲角色嘅用法同對應方式。

「求生者」同「監管者」亦有各自嘅技能樹,想成功逃生或者追捕,咁玩家就要努力啲啦!

想事前登記嘅朋友,去下面傳送門自己 Enjoy 啦!(提提你,用手機開啊!)

《第五人格 Identity V》事前登錄傳送門

阿九

打機 - 識少少;玩具 - 識少少;睇戲 - 識少少;動漫 - 識少少..... 買膠、派膠、分享膠!Only The Best Is Good Enough! Lego Enthusiast //goo.gl/HRnxDW

追蹤

更多文章