鬼佬版 Monster Hunter《Dauntless》極受歡迎 將於八月推出全新內容

《Monster Hunter》系列應該無乜人唔識,爭相仿傚、受啟發既遊戲亦都唔少,當中做得最出色既就係呢隻《Dauntless》。呢隻遊戲係今年 5 月 24 日已經開始公測,黎到較早時間終於成功地有 200 萬玩家參與,為咗慶祝達成呢項成就,開發商 Phoenix Labs 正式宣布會係 8 月 9 日推出下一個大型更新內容《The Coming Storm》,未入坑既好快啲準備啦!

 

《Dauntless》由 Phoenix Labs 製作,而呢間工作室既成員可以話係非常巴閉,有前《英雄聯盟》資深製作人 Jesse Houston、前《英雄聯盟》資深研發總監 Robin Mayne、Riot 前特殊專案副總裁 Sean Bender、前 BioWare 資深動畫設計師 Greg Lidstone 等等,研發超過四年先拎出黎上市,質素的確有別於其他企圖模仿《MH》既遊戲。

 

係《Dauntless》世界入面,玩家都係扮演獵人,不過係呢個世界就會叫做 Slayer,都係屠殺大型怪物咁樣。遊戲有基本單人故事模式及多人合作模式,而且更新後仲會有手榴彈及遠程連射槍等現代武器用。

當然相比起《MH》,《Dauntless》既畫風就無咁真實,比較接近《Fortnite》既美式卡通風格。不過戰鬥動作、打擊感、判定等等絕對係落足功夫。如果想試下《MH》之外有質素既同類型遊戲,《Dauntless》絕對可以滿足你。

 

《Dauntless》正在進行免費公測中,將於 8 月 9 日推出下一個大型更新內容《The Coming Storm》,暫時只有 PC 版本。

五木

五木 動漫電玩宅,極愛金田一系列,擅長動作及策略遊戲

追蹤

更多文章