舊年係 Nintendo Switch 推出既《Overcooked》叫好又叫座，而且極促進友誼，要贏絕係考驗朋友之間既合作性。新作《Overcooked 2》將於下個月正式推出，坊間都陸陸續續開始有得預訂啦，而 Price.com.hk 佢地為咗推廣呢隻遊戲，預訂《Overcooked 2》Switch 又或者 PS4版，都會有齊3款特典送給玩家！
《Overcooked 2》今集最大既賣點就係終於有得線上連機，唔洗再下下約齊成班 FD 出黎先玩到啦（雖然面連好開心）。而且仲新增「投擲」動作，傳野食更加得心應手，不過小心掉咗啲野食落街阿……當然新一集自然會有新場景及新菜式，分別有壽司店、魔法學校、礦洞等等。
除此之外，《Overcooked 2》更首度中文化，將提供簡體中文字幕！（我都係揀返英文字幕算）
咁今次係 Price.com.hk 預訂特典係啲咩呢？Price 限時購屆時將會提供分別 100套 Switch及PS4盒裝版《Overcooked 2》供大家預購，價格為HK$298（Switch版）及HK$198（PS4版）。隨遊戲附送 3 款限量精品：角色造型杯墊、角色造型文件夾以及角色造型設計雨傘，名額有限，售完即止！
