【艾路貓都無眼睇】《FFXIV》聯乘《MHW》已經被日本玩家玩壞了(?)

 

有玩開《FFXIV》嘅朋友最近應該忙完打雄火龍,因為遊戲同《MHW》嘅聯乘活動已經於 8 月 2 日開始左!我身邊嘅朋友正在為刷料換裝而努力中。

日本有位熱愛《FFXIV》嘅玩家「スンサン@Ramuh」,佢…喺遊戲中嘅自訂造型一向引起唔少玩家注意,咁原本都無乜野,Avatar 嘅野一向都係按個人喜好架啦!不過,當佢開始玩《MHW》活動之後,就喺 Twitter 上面分享左件趣事。

劇情一開始,艾露貓為左尋找出色嘅獵人,遇上玩家……

 

「找到看上去很強的獵人了喵!」

 

咁如果玩家只係平凡人造型嘅話,以下呢一幕應該就好詩情畫意嘅;之但係,我地呢位網友嘅造型,係咁:

 

…………

然後艾露貓下一秒嘅表情,係咁:

 

「…………」

 

睇到呢一度,我真係不禁要佩服玩家 cap 圖 cap 得真係好 LOL!其實好多時識得玩,遊戲截圖都可以自製一番 Kuso 趣味,咁當然呢一幕之後,玩家都同隊友一齊乖乖地去打雄火龍刷料啦。

 

不過喺《FFXIV》活動入面,雄火龍就無得斷尾的,正常技術嘅玩家匿喺佢腳底打應該就可以無事通關,不過限時十分鐘一場都仲係有一定難度……唔知呢度又有幾多朋友衝緊呢個 Event?加油刷料呀各位!

神婆

神婆 非典型占卜師,唔神秘,無形象,除了鐘意聽客人講故事,夜間興趣係打機睇動漫同玩貓;日系遊戲及 JRPG 專攻! https://www.facebook.com/katechengyk

追蹤

Facebook 更多文章