之前我地寫過一篇今日 SNK 將會有新作發表既文章，係而家進行緊既 PlayStation Line Up 上面已經發表咗一隻啦，估唔到既呢隻新作竟然係《侍魂》！而且今次並唔係用續作黎命名，而係直接用返《侍魂》呢個名，似乎係想 Reboot 呢個咁經典既系列！

對上一隻系列作品已經要數到去 2008 年推出既《侍魂 閃》，相隔足足十年先再推出今次既新作。係影片上見到畫面重新製作，而且畫風仲幾有《Street Fighter 4》既感覺，已經肯定入到口先！不過影片就無顯示到採用邊集系統，所以登場人數、有無十四連斬等等都仲未知。

已知登場角色有霸王丸、娜可露露、柳生十兵衛、卡爾福特、地震。遊戲將於 2019 年上市。