《動物之森》新作及《Luigi 鬼屋 3》最新消息發布

今日既 Nintendo Direct 直播中,確認招牌系列作《動物之森》將會有新作推出,同時以 Luigi 做主角既《Luigi 鬼屋 3》(Luigi Mansion 3)亦都宣布處於開發階段,二隻都預計於 2019 年推出,順勢亦都提醒大家初代《Luigi Mansion》重製版推出日期。

 

 

《動物之森》新作暫時未有具體消息遊戲內容,片段以系列招牌角色「貍吉」(たぬきち)說明目前正在研究「最新生活方案」,意味住新作既推出,不過已確認《動物之森》新作將會支援繁體及簡體中文,預定 2019 年發售。

 

另一隻遊戲《Luigi Mansion 3》,遊戲以 Luigi 為主角,需要控制 Luigi 係充滿鬼怪既鬼屋探索。玩家捉鬼時需要用電筒照射鬼怪既心臟,然後使用鬼怪吸塵器吸走佢。本作上集已經可以透過網路進行多人連線遊戲,相信黎到今集同樣可以進行多人連線。《Luigi Mansion 3》預定於 2019 年於 Nintendo Switch 發售,支援繁體及簡體中文。

 

最後就係早前已經公布,初代《Luigi Mansion》重製版推出日期。呢隻係 2001 年 GAMECUBE 上推出既遊戲,係當年大家都已經叫佢做《Luigi 鬼屋》。玩家扮演 Luigi 係充滿鬼怪既大屋入面,一邊要搵返失蹤既馬利奧,一邊解謎同捉鬼,新穎玩法令遊戲得到非常唔錯既評價。

而係今次公開既影片中,有介紹 3DS 重製版新增要素。本作將加入了雙人連線遊玩模式,如果二位玩家都各自都持有遊戲卡帶,將可以共同遊玩所有關卡。如果只有一位玩家持有遊戲卡帶,亦可以透過分享下載遊玩功能,體驗「頭目再戰」內容。

 

 

另外仲會對應部分 amiibo,各種 amiibo 將對應唔同功能。暫時已知將對應三款 amiibo,「害羞幽靈」amiibo 可以偵測到遊戲內害羞幽靈位置,「奇諾比奧」amiibo 就會幫你回血,「Luigi」amiibo 則係復活功能。

 

 

《Luigi Mansion》日版將於 11 月 8 日正式上市,對應平台為 3DS。

 

五木

五木 動漫電玩宅,極愛金田一系列,擅長動作及策略遊戲

追蹤

更多文章