如果係鍾意睇輕小說或者動畫嘅朋友，提起電擊文庫四個字，一定能勾起你唔少回憶。電擊文庫馬上就迎來 25 周年紀念，黎緊 2018 年 10 月 7 日仲會喺秋業原舉行慶祝活動，唔止有聲優出演（例如《刀劍神域》松岡禎丞、戸松遥；《禁書》阿部敦、佐藤利奈等），仲會有作家＆插畫家見面簽名會，由於活動係免費入場的，如果我抽到時間都一定會去參加。

活動當日仲會公佈《電擊》黎緊嘅新計劃，包括剛剛釋出消息嘅全新遊戲 Project，遊戲名目前未公佈，不過網址縮寫為《11 Calamities》，相信實際名字都會是類似。

遊戲嘅重點係乜？就係遊戲開發由 Square Enix 擔當，劇本創作則由鎌池和馬老師執筆，人設則係同鐮池老師於《禁書》系列中合作無間的畫師はいむらきよたか所負責；對於電擊文庫讀者黎講，相信都係一啲令人見到就興奮嘅名字！

遊戲概念圖

至於遊戲對應平台、系統等其他詳細資料，官方而家就賣個關子，留待 10 月 7 日活動當日先至會在現場公佈；我會繼續跟貼消息，為大家報告！